सेवा र बिकासका लागि युवाको टोलिले सिमा विवाद समाधान गर्नको लागि आज प्रमुख जिल्ला अधिकारी मार्फत सम्माननीय प्रधानमन्त्रीलाई ज्ञापन पत्र बुझाएको छ । टोलिले चितवनबाट संकलित हस्ताक्षर सहित ज्ञापन पत्र बुझाएको हो । संस्थाका अध्यक्ष राजु सापकोटाले ज्ञापन पत्र बाचन गर्नु भएको थियो । ज्ञापन पत्र बुज्दै प्रमुख जिल्ला अधिकारी जितेन्द्र बस्नेतले यो पत्र सम्माननीय प्रधानमन्त्री समक्ष पुराउने बताउनु भयो ।
हालै भारतले सार्बजनिक गरेको नक्सामा नेपालको भूभाग पनि समाबेश भएपछि देश भरिबाट बिरोध सुरु भएको छ । उक्त विवाद अन्त्य गर्नको लागि सरकारको पक्षबाट कुटनीतिक तबरबाट नै सिमा विवाद अन्त्य गर्नु पर्नेमा सबै नेपालीको माग रहेको संस्थाको अध्यक्ष राजु सापकोटाले बताउनु भयो ।ज्ञापन पत्र बुझाउने क्रममा संस्थाका बिमल पौडेल, सन्देश कंडेल र बिपिन कंडेलको उपस्थिति रहेको थियो ।
उक्त ज्ञापन पत्र पररास्ट्र मन्त्रलाय र भारतीय दुतावासलाई पनि पठाइने छ।
