भरतपुर ९ शरदपुर स्थित सिर्जना स्कुलमा तीन दिने बालपोषण सम्बन्धि स्वास्थ्य परिक्षण क्याम्प सम्पन्न भएको छ । रोट्र्याक क्लब अफ भरतपुर हाईटको आयोजना र हर्षित मेडिकल को सहयोगमा सम्पन्न उक्त परिक्षण क्याम्पमा चितवनका बरिष्ठ बालरोग बिशेषज्ञ डा नारायण बहादुर थापा लगायत स्वास्थ्यकर्मीहरुको टोलीले कक्षा पी जी देखि कक्षा ५ सम्मका २७० विद्यार्थीहरुलाई उनीहरुको अभिभावकको उपस्थितिमा स्वास्थ्य परिक्षण गरि आबश्यक परामर्श दिइएको थियो।
सो अबसरमा बिशेष गरि बालबालिकाको उचाई, तौल तथा शारीरिक विकास परिक्षण गरि अभिभावकहरुलाई बच्चाहरुको खानपान, सरसफाई तथा जाडोमा गर्नुपर्ने हेरचाह सम्बन्धमा समेत जानकारी उपलब्ध गराइएको थियो।
चितवन मै ख्याती प्राप्त डाक्टरको स्वास्थ्य परिक्षण सेवा विद्यालय प्रांगणमा निशुल्क उपलब्ध गराएर बालस्वास्थ्य प्रति सजक रहेको भन्दै अभिभावकहरुले विद्यालय प्रसाशनलाइ धन्यवाद दिदै आगामी दिनहरुमा समेत यस्तै कार्यक्रम भैदियोस भन्ने उनीहरुको मनसाय सजिलै बुझ्न सकिन्थ्यो।
कार्यक्रमको समापनको अबसरमा विद्यालय संयोजक जीवन दवाडीले आयोजक र स्वास्थ्यकर्मीको टोलीलाई धन्यबाद दिनुभयो भने सोहि अवसरमा विद्यालयका सी ई ओ प्रेम शर्माले मायाको चिनो प्रदान गर्दै यस्ता कार्यक्रमलाई आगामी दिनमा अझै प्रभावकारी बनाउदै निरन्तरता दिइने बताउनुभयो ।
