भनिन्छ मानिसले आफ्नो भावनाहरु गीत मार्फत पोख्न सजिलो हुन्छ । तर रामकृष्ण ढकालको आफुले लेखेका र गएका गीत अनुसार नै जीवन चलेको जस्तो देखिन्छ । ढकाल तिन दसक देखि नेपाली सांगीतिक क्षेत्रमा सक्रिय छन् । बालक अवस्थाबाट संघर्स गर्दै आएका ढकालले संयोगान्त भन्दा धेरै वियोगान्त गितहरु गएका छन् । रामकृष्ण निकै संघर्ष गरेर यहाँसम्म आएका हुन् । बाल्यकालमा गायक बन्ने रहरले घर छोडेर काठमाडौं आएका उनले धेरै हण्डर-ठक्कर खाएका छन् । सगीतप्रेमी गोपाल कर्माचार्यको संरक्षकत्व पाएपछि भने उनको संगीतिक करिअरले नयाँ मोड लिएको हो । हुनत जुन पिडा आफुले महसुस गर्न सकिन्छ उक्त पिडा लै राम्रोसंग ब्यक्त गर्न सकिन्छ भनेर होला ढकालका वियोगान्त गीतहरुले चर्चा पाएका छन् । ‘ओराली लागेको हरिण को चाल भो ‘ भने झैँ सहकारीले घर लिलामी गरे पछि २०५९ साल मा बिबाह भएको जिबन संगिनीसंग सम्बन्ध विच्छेद भयो । तर यो घटना संयोग मात्र हुन सक्छ।
उनका कर्ण प्रिय गीत हरु :
‘बिहान उठ्ने वित्तिकै हिमाल देख्न पाइयोस’
‘ओराली लागेको हरिण को चाल भो , बाचुन्जेल सम्म पनि मरेकै हाल भो ।’
‘मलाई यो जिन्दगीले कहाँ पुर्यायो।कहिले हँसायो, कहिले रुवायो। आफ्नै संग छुटाएर एक्लो बनायो।’
‘जिन्दगीले यसरी धोका दियो की भाग्य आफ्नो हो बुझनै सकिन’
‘हिरा काट्ने हिरामै राखेर ‘
‘मन पराउने हजार भेटिन्छन , आफ्नो मान्छे आफ्नै हुन्छ’
‘दिलको कुरा नगर दिलमाया’
‘रिसाउदा पनि आफ्नै’
‘बचुन्जेलीलाई’
ढकालले अनलाइन खबरलाई एक अन्तरबार्तामा भनेका छन् ‘ १२/१३ वर्षको उमेरमै गायक बन्ने उद्देश्यले म घर छोडेर काठमाडौं आएँ । त्यसपछि संघर्ष सुरु भयो । संघर्षका दिनहरुमा कति रात भोकै बसियो होला, त्यसको लेखाजोखा छैन । एकपटक मैले थालमा कागती बोकेर गाडीका यात्रुहरुलाई बेच्दै पनि हिँडेको छु । तर, जे-जस्तो दुःख पर्दा पनि कसैसँग हात फैलाइनँ । भिख मागिनँ । हरेक कामलाई सम्मान गर्दै परिश्रम र मेहनतले नै अगाडि बढेँ । संघर्ष सबैले गरेकै हुन्छन् । मलाई दुःखचाहिँ केमा लाग्छ भने, नेपालमा संघर्ष गरेर माथि उठेको व्यक्तिलाई हेय दृष्टिले हेर्ने गरिन्छ । भारतका प्रधानमन्त्री मोदी पनि पहिले चिया बेच्थे । प्रख्यात गायक माइकल ज्याक्सनको बाल्यकाल पनि गरिबीमा नै बितेको थियो । तर, उनीहरुलाई त्यहाँका मानिसले प्रेरणा स्रोतका रुपमा लिन्छन् । हामीकहाँ चाहिँ संघर्ष गरेर आएकाहरुलाई अपमानित गर्न खोजिन्छ । यस्ता कुराहरुले दिक्क पार्छ ।’
