नेपाल जेसिसको राष्ट्रिय अध्यक्ष्यमा अशोक शङ्कर निर्वाचित

नेपाल जेसिजको रत्ननगरमा सम्पन्न ४६ औँ महाधिवेशनबाट सन् २०२० का लागि राष्ट्रिय अध्यक्षमा अशोक शङ्कर निर्वाचित भएका छन् । अध्यक्षको पदको लागि ३ जनाको उम्द्वारी रहेको थियो । निर्वाचित अशोक शङ्कर पथरी जेसिज मोरङका पूर्वअध्यक्ष हुन् । निर्वाचित राष्ट्रिय अध्यक्ष शङ्करले ५५२ मत प्राप्त गरेका थिए । अध्यक्ष पदका अर्का प्रत्यासी अरुणेश्वर खनालले ५२७ र विकास मानन्धरले ४८७ मत प्राप्त गरेका थिए । निर्बाचनमा कुल एक हजार ७१० मतमध्ये एक हजार ५६५ मत खसेको थियो ।