चिनी उद्योगले किसानलाई तिर्नु पर्ने रकम नतिरेको कारण किसानहरु आन्दोलित भएका छन् । ६ वर्षदेखि, दुःख गरेर उब्जाएको उखुको चिनी मिलको मालिकले पैसा भुक्तानी नगर्दा कृषि प्रधान देशमा किसानको बिजोक भएको छ । पटक पटक चिनी मिल संग सम्झौता भए पनि किसानले भुक्तानी पाएका छैनन् । सरकारले किसानको आवाज सर्लाहीबाट नसुने पछि संघर्षका लागि केन्द्रीय राजधानी काठमाडौंसम्म आइपुगेका ६० वर्षे रामविलास भन्छन्, ‘जबसम्म मालिकले पैसा दिँदैन, तबसम्म हामी घर जाँदैनौं । घर र्फकनका लागि हामीसँग पैसा पनि छैन ।’
अहिले सामाजिक संजालमा किसानहरुले गरेको आन्दोलनको समर्थन बढ्दो छ। किसानहरुले एक सरो लुगा लगाएर माइतीघर मण्डलामा गरेको आन्दोलन सामाजिक संजालमा देख्न सकिन्छ। यो सुन्य डिग्रीको जाडोमा एक सरो लुगा लगाएर भुक्तानी पाउने झिनो आशा सहितको कारुणिक दृश्य सरकारले अहिले सम्म देखेको छैन कि त देखेर पनि नदेखेको जस्तो गरि राखेको छ ।
तस्बिर : नया पत्रिका
