आज रोटरी क्लब अफ चितवनको आयोजनामा श्री हिमालय आधारभूत विद्यालय, भरतपुर ११ जागृति चोकमा जाडोको न्यानो कपडा वितरण कार्यक्रम सम्पन्न भएको छ । उक्त विद्यालयका भवन निर्माण समितिका संयोजक तथा रोटरी क्लब अफ चितवनका सर्जेन्ट एर्ट आर्म रो. लेखराज पन्तज्यूले सञ्चालन गर्नु भएको कार्यक्रम रोटरी क्लब अफ चितवनका अध्यक्ष रो. राजु पौडेलज्यूको अध्यक्षतामा भएको कार्यक्रममा भरतपुर महानगरपालिका वडा नं. ११ का वडा अध्यक्ष श्री बाबुराम अधिकारीज्यू प्रमुख अतिथीको रुपमा रहनुभएको थियो ।
त्यसैगरी उक्त विद्यालयका विद्यालय व्यवस्थापन समितिका अध्यक्ष श्री खड्क बहादुर केसी, प्रधानाध्यापक श्री नरेन्द्र खड्का, रोटरी क्लब अफ चितवनका निर्वाचित अध्यक्ष रो. रोशन पियाज्यू विशिष्ट अतिथिको रुपमा रहनुभएको थियो । उक्त विद्यालयमा अध्ययन गर्ने कक्षा नर्सरी देखि कक्षा ८ सम्मका करिब १५० जना विद्यार्थीहरुलाई जाडोको स्वीटर वितरण गरिएको थियो ।
कार्यक्रममा प्रमुख अतिथि श्री बाबुराम अधिकारीज्यूले रोटरी क्लबको यो पुण्यकार्यको लागि विशेष धन्यवाद दिँदै रोटरीले समाजमा विभिन्न खालका सहयोगहरु गर्दै आएको बताउनुभयो । त्यसै गरी कार्यक्रमका अध्यक्ष रो. राजु पौडेलज्यूले स्वार्थ भन्दा माथि सेवा भन्ने मुल नारा लिएर अघि बढेको अन्तराष्ट्रिय संस्था रहेको बताउनुभयो । यो अन्तराष्टिय संस्था भईकन पनि यसमा बाहिरबाट कुनै स्रोत नआउने हामी रोटेरियनहरुले नै धेरै थोरै गरेर समाज परिर्वतनको लागि जम्मा गरी अगाडी बढेको बताउनुभयो । रोटरी क्लब अफ चितवनबाट अध्यक्ष रो. राजु पौडेलज्यूसगै निर्वाचित अध्यक्ष रो. रोशन पिया, कोषाध्यक्ष रो. राम प्रसाद सुवेदी, सर्जेन्ट एर्ट आर्म रो. लेख राज पन्त, सम्पादक रो. विश्ववन्धु अधिकारी तथा पूर्व अध्यक्ष रो. ईं शरद गोपाल न्याछ्यौज्यूको सहभागिता रहेको थियो ।
