धनगढी, ३० पुस । प्रभात शैक्षिक मञ्चको आयोजनामा भईरहेको वाइवाइ एसईई क्वीज अन्तर्गत आज डोटी जिल्ला बडिकेदार गापाको विपिनगर र बाजुराको बाजुरा जिल्ला अडिसन मार्तडीमा सम्पन्न भएको छ ।
डोटी जिल्लाको बडिकेदार गाउँपालीकामा रहेको केदार ज्योती क्याम्पसमा बडिकेदार गाउँपालिका शिक्षा इकाइको सह आयोजना र बाजुरा जिल्ला अडिसन मार्तडीमा रहेको क्रेटर जोन एकेडेमी सोही विद्यालयको सह आयोजनामा आज सम्पन्न भएका छन् ।
ब्डिकेदार गापामा भएको प्रतियोगितामा कुल १० विद्यालयका १० टिम सहभागीता थियो भने उक्त प्रतियोगितामा कैलालीको चुरे गापा १ मा रहेको मोहन्याल मा.वी. निगाली प्रथम भएको छ । यसै गरि डोटीको बडिकेदार गापा देवलीमा रहेको दुर्गा मा.वी. द्वितिय र डोटीकै जोरायल गापाको दुर्गा मा.वी. तृतिय भएका छन् ।
बडिकेदार गाउँपालीकाको शिक्षा इकाइ प्रमुख स्रोत व्यक्ति नवराज जोशीको सभापतीत्वमा भएको कार्यक्रममा बडिकेदार गाउँपालीकाका वडा नम्बर १ का अध्यक्ष डबल बोहरा प्रमुख अतिथी रहनु भएको थियो भने कार्यक्रम सञ्चालन गणेश बमले गर्नुभएको हो ।
यसैगरि आजै बाजुरा जिल्लाको अडिसन पनि सम्पन्न भएको छ । जिल्लाको बडीमालीका नगरपालीकाको क्रिटर एकेडेमीमा भएको अडिसनमा मालिका मा.वि. विजेता र क्रिएटर एकेडेमी उप विजेता भएका छन् । क्रियटर जोन एकेडेमीका प्र.अ. मिन ब. कार्कीको सभापतीत्व तथा बडीमालीका नगरपालीका १ का अध्यक्ष विनोद कुमार बिकको प्रमुख आतिथ्यमा सम्पन्न कार्यक्रममा १० विद्यालयबाट १६ टिमको सहभागीता रहेको थियो ।
दुवै स्थानका विजेता विद्यार्थीले मेडल प्रमाण पत्र सहित वाइवाइ र रेडिकल एकेडेमीका तर्फबाट गिफ्ट ह्याम्पर, छात्रवृत्ती कुपन प्राप्त गरेका छन् भने आउँदो वैशाख ४ गते धनगढीमा आयोजना हुने प्रदेश स्तरीय यस प्रतियोगिताको फाईनलमा सहभागी हुने अवसर पाउनेछन् ।
