नेपालीको धर्म प्रति आस्था छ भन्दैमा धर्मको नाम बेच्न कसैलाई छुट छैन

नारायणी किनारमा आयोजना भएको महायज्ञ बिबादमा तानिएको छ । कान्तिपुरले सनिबार प्रकासन गरेको समाचारका अनुसार बालयोगेश्वर भनिने बिजय भण्डारीलाई ‘ठग ‘ उपमा लगायिएको छ । राष्ट्रिय मिडियामा समाचार आए पछि उद्गतन गण आएका उपराष्ट्रपति उद्घाटन नगरिने फर्किनु भएको छ। कान्तिपुरको समाचार सामाजिक संजालमा ४ हजार भन्दा धेरै सेयर भएको छ । सामाजिक संजालमा धेरैले धर्मको नाममा व्यापार बन्द गरिनुं पर्ने धारणा राखेका छन् ।

नेपालमा कुनै बिद्यालय, कलेज, मठ मन्दिर तथा अन्य सामाजिक संरचना बनाउन महायज्ञ आयोजना गर्ने परम्परा नै विकास भएको देखिन्छ । मानिसहरुले रकम संकलन गर्ने राम्रो बाटो धर्मको नाममा महायज्ञ आयोजना गर्न सजिलो भएको छ । जसले धेरै दान गर्छ उसले नै धेरै पुण्य कमाउछ भनेर महायज्ञमा रकम बोलकबुल गर्न उस्काइन्छ । महायज्ञ समापन भए पछि अन्दामी र खर्च को विवरण बुझाउने कमै प्रचलन छ ।

नेपालीको धर्म प्रति आस्था छ भन्दैमा धर्मको नाम बेच्न कसैलाई छुट छैन । अहिले को घटनालाई पनि प्रसासनले ध्यान दिएर छानबिन गरोस । नारायणी किनारमा आयोजना भई रहेको महायज्ञका प्रमुख बाचक महाराज बालयोगेश्वर भनिने बिष्णु भण्डारीसंग सम्बन्धित खबरहरु :

( इकान्तिपुर डट कमबाट )

महाराजको आवरणमा ठगी, माघ ११
आफूलाई ‘बालयोगेश्वर महाराज’ बताउने भण्डारीले धार्मिक आवरणमा आफ्नो ठगी र जालझेलको विगत लुकाउँदै आएको कान्तिपुरले फेला पारेको छ । कान्तिपुरकै सहप्रकाशन नेपाल सप्ताहिकले विजयको ठगी धन्दाबारे ‘महाठग महाराज’ शीर्षकमा २४ भदौ २०६९ मा खोज समाचार प्रकाशन गरेको थियो । त्यसताका उनले आफूलाई सार्वजनिक वृत्तमा श्री विष्णु प्रपन्नाचार्यजी महाराजको नाममा चिनाउँदै आएका थिए ।

ठग ‘महाराज’ नेतृत्वकाे कार्यक्रममा उपराष्ट्रपति सहभागी नहुने, माघ ११
ठगीमा संलग्न स्वामी बालयोगेश्वर महाराज बताउने गेरुवस्त्राधारी विजय भण्डारीको नेतृत्वमा शनिबार हुन लागेको कार्यक्रममा उपराष्ट्रपति नन्दबहादुर पुन सहभागी नहुने भएका छन् । कार्यक्रम विवादित भएपछि उपराष्ट्रपति काठमाडौं फर्किन लागेका उनको सचिवालयले जनाएको छ ।

उपराष्ट्रपति फर्केपछि जिसस उपप्रमुखबाट महायज्ञ उद्घाटन, माघ ११
‘त्यहाँ महानगरको कोही प्रतिनिधि देखिनँ । हैन के भयो कसो भएर यसो भयो भन्ने लाग्यो । मैले म प्रमुख अतिथि बन्नका लागि आएकै हैन भने । मैले यसो भनि रहँदा रहँदै उद्घोषकले मलाई नै प्रमुख अतिथि भनेर नाम घोषणा गरी हाल्नुभयो ।,’ चितवन जिजस उपपमुख श्रेष्ठले भनिन् । मञ्चमा पार्टीका प्रतिनिधिहरु पनि नहरेको उनले बताइन् ।

‘महाराज’ को ठगी धन्दा : यसपल्टको लक्ष्य २५ करोड, माघ १२
भरतपुर महानगरपालिका–२३ मा रहेको पशुपतिनाथ मन्दिर व्यवस्थापन समितिले शनिबारदेखि नारायणगढस्थित नारायणी नदी किनारमा एक महिने महायज्ञ आयोजना गरेको हो । ऐतिहासिक १०८ कुण्डीय कोटीहोम शैक्षिक, धार्मिक तथा सांस्कृतिक तुलादान माघीमेला महामहोत्सव एवं संगीतमय लीलामय अष्टोत्तरसत (१०८) श्रीमद्भागवत धनधान्याचल पितृमोक्ष विराट मासिक ज्ञान महायज्ञ नाम दिइएको महायज्ञका प्रवक्ता दिलीप न्यौपानेका अनुसार महायज्ञबाट २५ करोड रुपैयाँ उठाउने योजना छ । उनले भने, ‘भरतपुर–२३ को पशुपतिनाथ मन्दिरलाई बृहत् धामका रूपमा विकास गर्ने, चितवनमै पहिलो आयुर्वेदिक शिक्षालय खोल्ने र क्यान्सर रोगबाट पीडित विपन्न परिवारलाई सहयोग गर्न यज्ञ आयोजना भएको हो ।’