विश्व क्यान्सर दिवसको अवसरमा भरतपुरमा जनचेतना मुलक कार्यक्रम सम्पन्न भएको छ । भरतपुर महानगरपालिका युवा संजाल, नेप्लिज युथ एगेन्स्ट क्यान्सर ,रोट्रयाक्ट क्लब अफ चितवन, रोट्रयाक्ट क्लब अफ कावासोती ,नेपल युथ रेडक्रस सर्कल, रामपुर, सेवा र बिकाशका लागि युवाले संयुक्त रुपमा कार्यक्रम आयोजना गरेको कार्यक्रम संयोजक अमित सापकोटाले जानकारी गराउनु भयो।
सन् २०१० देखि प्रत्येक वर्ष को फेब्रुअरी ४ गते क्यान्सर दिवस मनाउने गरिन्छ । यो वर्षको नारा “I am and I will ‘ भन्ने रहेको छ ।
विश्व क्यान्सर दिवस, क्यान्सरको सचेतना जगाउन र यसको रोकथाम, पत्ता लगाउन र उपचारलाई प्रोत्साहित गर्न अन्तर्राष्ट्रिय दिन हो। विश्व क्यान्सर दिवसको प्राथमिक लक्ष्य क्यान्सरले निम्त्याएको बिमारी र मृत्युलाई उल्लेखनीय रूपमा कम गर्नु हो ।
विश्वमा प्रत्येक वर्ष ९६ लाख मानिस क्यान्सरबाट मर्दछन्। कमसेकम एक तिहाइ सामान्य क्यान्सर रोकथाम योग्य छ। क्यान्सर विश्वव्यापी रूपमा मृत्युको दोस्रो प्रमुख कारण हो। रोकथाम, प्रारम्भिक पहिचान र उपचारको लागि संसाधन उचित रणनीतिहरू कार्यान्वयन गरेर प्रत्येक वर्ष ३७ लाख जीवन बचाउन सकिन्छ।
क्यान्सर एक यस्तो रोग हो जुन शरीरको भित्र सामान्य कोशिकाको समूहमा परिवर्तन हुँदा अनियन्त्रित, असामान्य वृद्धिलाई एक गांठ बनाउने ट्युमर भनिन्छ। यो ल्युकेमिया (रगतको क्यान्सर) बाहेक सबै क्यान्सरहरूको बारेमा सत्य छ। यदि उपचार नगरिएमा, ट्यूमर बढ्न र वरपरका सामान्य टिशूहरूमा फैलिन सक्छ, वा रक्तप्रवाह र लिम्फेटिक प्रणालीहरू मार्फत शरीरको अन्य भागहरूमा, र पाचन, स्नायु र रक्तसंचार प्रणालीलाई असर गर्न सक्दछ वा शरीरको कार्यलाई असर गर्ने हार्मोनहरूलाई छोड्दछ। क्यान्सरका लागि जोखिम कारकहरु धूम्रपान ,भारी रक्सी खपत,अधिक शरीर वजन,शारीरिक निष्क्रियता, खराब पोषण आदि हुन् ।
भरतपुरमा भएको जनचेतना कार्यक्रममा डा होम बहादुर बस्नेतले प्राथमिक चरणमानै उपचार गर्न सकेमा क्यान्सरबाट जोगिन सकिने बताउनु भयो । युवा रेडक्रस सर्कलले कसरी युवाहरु कुलतमा फ़स्छन र क्यान्सरको सिकार हुन्छन भनेर चेतना मुलक नाटक पनि मन्चन गरेका थिए। भरतपुर युवा संजाल संयोजक संदेश वाग्लेले युवा अवस्था देखि नै खानपानमा बिशेस ध्यान दिन अनुरोध गर्नु भयो ।
