रोसन भरतपुर, ३ फागुन । रोट्रयाक्ट क्लब अफ भरतपुर हाईटले एक दिने सार्वजनिक वक्ता कार्यशाला (Public Speaking Workshop) सम्पन्न गरेको छ । आफ्ना क्लबका सदस्यहरुको क्षमता विकासका लागि क्लबले सो कार्यक्रम गरेको हो । विभिन्न संघसंस्थामा आवद्ध युवाहरुको नेतृत्व तथा क्षमता विकास गराउने मुख्य उद्देश्यले यस्तो कार्यक्रम आयोजना गरिएको क्लबका अध्यक्ष रोट्. दिवश श्रेष्ठले बताए । कार्यक्रममा बोल्दै क्लबका सर्भिस डिरेक्टर रोट्. किशोर रिजालले एक दिनको यो तालिम निकै महत्वपूर्ण भएको बताए । क्लबको वार्षिक कार्यक्रम अन्तर्गत यो राखिएको र यस्ता कार्यक्रमलाई निरन्तरता दिने उनको भनाइ छ ।
कार्यक्रममा बोल्दै अतिथि रोट्रयाक्ट क्लब अफ कावासोतिका अध्यक्ष रोट्. परमानन्द गौतमले स्थापनाकालदेखि नै निकै महत्वपूर्ण कामहरु गर्दै आएको बताए । क्लबले जुनखालको तालिम दिएर क्लबका मेम्वरहरुको क्षमता विकास गर्ने योजना बनायो अगामी दिनमा यस्ता क्षमता अभिवृद्धि गर्ने कार्यक्रमहरुलाई निरन्तरता दिन उनले आग्रह गरे ।
कार्यक्रममा अतिथी रोट्. परमानन्द गौतम, विनु भट्टराई, अनु खरेललगायतले मन्तव्य राखेका थिए । १५ जना क्लब मेम्बर तथा ८ जना अतिथीको सहभागिता रहेको कार्यक्रममा रोट्रयाक्ट क्लब अफ भरतपुर हाईट की मेम्बर रोट्. कामना गिरीद्वारा प्रशिक्षण दिएकी थिइन्।
