p class=”padding-top”>
फागुन ६, गोरखा ।
गोरखाको सिरानचोक गाऊँपालिका वडा नम्वर १ केराबारीस्थित नेपाने माध्यामिक विद्यालयका प्रधानाध्यापक शिवकुमार साहविरुद्ध काठमाण्डौं जिल्ला अदालतमा एकैदिन ३ वटा भ्रष्टाचारको उजुरी परेको छ ।
अख्तियार दुरुपयोग अनुसन्धान आयोगले प्रधानाध्यापक साह र शिक्षा विकास तथा समन्वय ईकाईका प्राविधिक सव इन्जिनियर विकास झा विरुद्ध मुद्दा दायर गरेको हो । प्रधानाध्यापक साहले विद्यालयका लागि विभिन्न शिर्षकमा आएको ५ लाख ९५ हजार ४ सय रुपैयाँ अनुदान गलत कागजात बनाएर भ्रष्टाचार गरेको अख्तियारको ठहर छ ।
यस्तै शिक्षा विकास तथा समन्वय इकाईका सव इन्जिनियर विकास झाले प्रधानाध्यापक साहसँग मिलेर विभिन्न शिर्षकमा ३ लाख ५० हजार रुपैयाँ हिनामिना गरेको अख्तियारले जनाएको छ ।
यसैबीच जिल्ला शिक्षा कार्यलय गोरखाबाट लाईब्रेरी व्यवस्थापनका लागि फिक्सिङ र किताव खरिद शिर्षकमा निकासा भएको रकम पनि प्रधानाध्यापक साहले हिनामिना गरेको अख्तियारले जनाएको छ । साहले विभिन्न शीर्षकमा कागजात तयार गरी लाईब्रेरीको ६ लाख ५० हजार रुपैयाँ हिनामिना गरेको अख्तियारको ठहर छ ।
साहले साविक जिल्ला शिक्षा कार्यालय गोरखाबाट रेट्रो मेन्टेनेन्सका लागि भन्दै साढे २ लाख रुपैयाँ पनि हिनामिना गरेको पुष्टी भएको अख्तियारले जनाएको छ । विद्यालय मर्मतका लागि प्राप्त बजेट दुरुपयोग भएकोमा विरोध गर्दै स्थानीयबासीले गएको जेठ १२ र १३ गते विद्यालयमा तालासमेत लगाएका थिए ।
साउन १ गतेबाट लागु हुनेगरी प्रधानाध्यापक पदबाट राजिनामा दिने समझदारीपछि ताला खुलाइएको थियो ।
