चैत ४, चितवन– चितवनको भरतपुरस्थित वीपी कोइराला मेमोरियल क्यान्सर अस्पतालको गेट अगाडिको गीतानगर जाने सडकमा ट्रकको ठक्करबाट एक महिलाको मृत्यु भएको छ । स्थानीयको अनुसार ट्रकले पहिले बईकलाई ठक्कर दिएको र त्यसपछी आत्तिएर भाग्ने क्रममा बिपरित दिसाबाट आउंदै गरेको साईकललाई ठक्कर दिएको बताएका छन।
मंगलबार विहान ६ः१५ बजेको समयमा चौविसकोठीबाट गीतानगरतर्फ गइरहेको ना ७ ख ४०९१ नम्बरको ट्रकले विपरीत दिशाबाट आइरहेको साइकललाई ठक्कर दिएको थियो । ठक्करबाट गम्भिर घाइते भएकी भरतपुर महानगरपालिका–७ कृष्णपुर निवासी ३५ वर्षीया लक्ष्मी सुवेदीको उपचारको क्रममा ६ः४५ बजे भरतपुर अस्पतालमा मृत्यु भएको प्रहरीले जनाए पनि ज्यान र टाउको छुट्टिएको अवस्थामा रहेको लासलाई हस्पिटल लगेको र लास लाई प्रहरीले गाएब गरेको आरोप स्थानीयले लगाएका छन ।
बिहानै दुध डेरीमा पुर्याउन जाने क्रममा ट्रकले ठक्कर दिएको र १०० मिटर जति घिसारेर लगेको स्थानीयले बताएका छन। आमाको मृत्यु भए पछी अहिले ३ जना बालबच्चा टुहुरो बनेका छन।यद्यपी यो दुर्घटना भए पनि घटनाको प्रकृति हेर्दा यो कुनै दुर्घटना नभई नियोजित हत्या जस्तो माहोल देखिएको भरतपुर वडा नम्बर ७ का अध्यक्ष राजेन्द्रमणि काफ्लेले बताउनु भयो।
त्यस्तै स्थानीयले गरेको प्रदशनमा प्रहरी द्वारा अश्लु ग्यास र लाठि प्रहार भएको छ। स्थानीय जनप्रतिनिधि र स्थानीयको रोहबरमा प्रहरी प्रशासनले गल्ति गरेको माफी माग्नु पर्ने भनिए पनि यस बिषयमा प्रहरीले कुनै धाराणा राखेन। त्यस्तै जन प्रतिनिधि बाट पनि उल्लेखनिय कदम चालेको देखिएन। घटनास्थलमा रहेको ट्रकको सुरक्षाको लागि १०० भन्दा धेरै प्रहरी परिचालन गरिएको थियो।
