काठमाडौं । संसार कोरोनाभाइरस संक्रमणको पीडामा छ । विश्वका एक सय ९९ सय देशमा संक्रमण फैलिएको कोरोनाभाइरले हालसम्म पाँच लाख ३२ हजारभन्दा बढी पीडित भएका छन् । साथै २४ हजारभन्दा बढी संक्रमितले ज्यान गुमाउँदा एक लाख २४ हजारभन्दा बढी संक्रमित उपचारपछि निको भएर घगत डिसेम्बरदेखि चीनको वुहानबाट संक्रमण फैलिएको कोरोनाभाइरसले अहिले युरोप र अमेरिकालाई बढी सताएको छ भने अन्य देशमा पनि उत्तिकै पीडा दिएको छ । कोरोनाभाइरसविरुद्धको औषधि र खोप नहुँदा संसारभरका मानिस त्रासमा परेका छन् । कयौं देशले लकडाउन गर्दा घरमै थुनिएर बसेका मानिसलाई राहत र खुसी बनाउने सन्देश नोबेल पुरस्कारबाट सम्मानित तथा स्टेनफोर्ड बायोफिजिसिस्ट वैज्ञानिक माइकल लेविटले दिएका छन् ।
उनले विश्वमा कोरोनाभाइरसको सबैभन्दा ठूलो प्रकोप समाप्त भइसकेको र अब क्रमशः नियन्त्रणमा आउने दाबी गरेका छन् । लस एन्जल्स टाइमससँग कुरा गर्दै वैज्ञानिक लेविटले ‘वास्तविक स्थिति त्यति भयावह छैन जति भयावह हुने आशंका गरिएको थियो ।’ चीनलगायतका केही मुलुकमा कोरोनाभाइरस संक्रमण नियन्त्रणमा आइसकेको छ । तर, युरोप र अमेरिकामा तीव्र गतिले फैलिरहँदा उनको सो धारणा सार्वजनिक भएको छ । जसले संसारभरका मानिसमा आत्मबल बढाएको छ ।
यसअघि चीनमा कोरोनाभाइरसको संक्रमण र यसको नियन्त्रणका विषयमा उनले गरेको भविष्यवाणी एक हदसम्म मिल्न गएको आममानिस कोरोनाभाइरस संसारबाटै नियन्त्रणमा आउने उनको अनुमानप्रति आशावादी भएका छन् । गत फेब्रुअरीमा लेविटले भनेका थिए, ‘हरेक दिन कोरोना संक्रमितको संख्यामा कमि आएको छ । यसबाट यो साबित हुन्छ कि आगामी हप्तामा कोरोनाभाइरसबाट हुने मृत्युको दर घट्न थाल्नेछ, चीनमा ८० हजार संक्रमण र ३२ हजार ५ सय मृत्यु हुनेछ । उनको अनुमान सही सावित भएको छ । चीनमा हालसम्म ८१ हजार संक्रमित भएका छन् भने ३२ सय ९२ जनाको ज्यान गएको छ । उनले सो भविष्यवाणी गर्दा अरु विशेषज्ञले लाखौं मानिस संक्रमित हुने अनुमान गरेका थिए ।
दुई महिनाको लकडाउनपछि चीनको हुबेइ प्रान्त पनि खुलेको छ । अहिले पनि विश्वलाई खुसी हुने गरी उनको भविष्यवाणी आएको हो । उनले पूरै विश्वमा समेत चीनको जस्तै ट्रेण्ड देखिएको बताएका छन् । वैज्ञानिक लेविटले भनेका छन् ‘चीन र दक्षिण कोरियामा नयाँ संक्रमणका केस लगातार घटिरहेका छन् । आँकडा अहिले पनि चिन्ताजनक छ तर यसमा वृद्धिदरमा लगातार गिरावट आइरहेको प्रस्ट संकेत देखिएका छन् ।’
कोरोनाभाइरस संक्रमणलाई कमि ल्याउन र यसलाई जरैदेखि उखेल्न सामाजिक दूरी कायम राख्नुपर्ने सुझाव दिएका उनले अधिकांश मानिसहरुमा कोरोनासँग लड्ने प्रतिरोधी क्षमता नै छैन र भ्याक्सिन बन्न अझै लामो समय लाग्ने भएकाले भेटघाटलाई बन्द गर्नुपर्ने बताएका हुन् । र फर्किएका छन् ।
