भरतपुर कोरोना बिशेष अस्थाई अस्पतालको नतिजा प्रकाशित

१५ चैत, चितवन। चितवनको भरतपुरमा स्थापना गरिएको कोरोना अस्पतालले कोरोना भाइरस संक्रमितको उपचार गर्ने स्वास्थ्यकर्मी नतिजा प्रकाशित गरेको छ । गत चैत्र १२ गते एक सूचना प्रकाशित गरेर अस्पतालले चिकित्सक, नर्स, ल्याब टेक्निसियन, रेडियोग्राफर सहितको स्वास्थ्यकर्मी माग गरेको थियो ।

अस्पतालका प्रवक्ता एवं सदस्य सचिव डा भोजराज अधिकारीले सुक्रबार एक सूचना जारी गरी स्वास्थ्यकर्मीको छनोट गरिएको जानकारी दिनुभयो । आवेदकहरुको अन्तर्वार्ता चैत १४ गते बिहान १० बजेबाट अस्पतालमा भएको थियो । अन्तरबार्ताबाट दुई मेडिकल अधिकृत ,चार स्टाफ नर्स ,एक एच ए , तिन ल्याब टेक्निसियन र एक रेडियोग्राफर छनौट भएका छन् ।यसै गरि बैकल्पिकमा पाँच जना स्टाफ नर्स र दुई जना ल्याब टेक्निसियनमा राखिएको प्रकाशित सुचनामा उल्यख छ ।

छनोट हुने मेडिकल अधिकृतहरुमा डा सुदिप राउत र डा अशोक कुमार शाह हुनुहुन्छ। स्टाफ नर्स तर्फ सुक माया गुरुङ, सम्झना गिरि , त्रिषना रानाभाट र लता सापकोटा छनोट हुनु भएको छ । रमण सापकोटा एच ए तर्फ भने आरोश उप्रेती , गंगाधर यादव र प्रकाश न्यौपाने ल्याब टेक्निसियनमा छनोट हुनु भएको छ । रेडियोग्राफर मा चिरन्जिबी पन्थी छनोट हुनुभएको छ ।

स्टाफ नर्सको बैकल्पिकमा सुस्मिता पौडेल , प्रमिला गौतम, सिर्जना राई, लेख क्षेत्री र निशा अधिकारी साथै ल्याब टेक्निसियनको बैकल्पिकमा मधु कुमार पाण्डे र दिननाथ ढुंगाना हुनुहुन्छ ।