प्राज्ञिक विद्यार्थी परिषद नेपालले एक बिज्ञप्ति जारी गरी सिमामा अलपत्र नेपाली नागरिकको विषयमा तुरुन्त महत्वपूर्ण निर्णय लिन नेपाल सरकारलाई ध्यानाकर्षण गराएको छ।
राष्ट्रिय अध्यक्ष रामजी गौतम र महासचिब सुरेन्द्र प्रसाद भट्ट द्वारा हस्ताक्ष्यरित बिज्ञप्तिमा भनिएको छ कि ”विश्वव्यापी संकट कोरोना भाइरसको कारण नेपाल सरकारले लकडाउनको घोषणा गरेसंगै भारतका विभिन्न स्थानबाट नेपाल फर्किँदै गरेका हजारौँ नेपाली नागरिकहरू विगत केही दिनदेखि भारतका विभिन्न सिमाक्षेत्रमा अलपत्र अवस्थामा रहेका सूचनाहरू निरन्तर आइरहनु अत्यन्त दुखद् विषय हो ।
उक्त घटना एवं परिस्थितिप्रति प्राज्ञिक विद्यार्थी परिषद्, नेपाल नेपाल सरकारको गम्भीर ध्यानाकर्षण गराउँदछ । आफ्ना नागरिकको सुरक्षामा गम्भीर बन्दै सिमामा अलपत्र अवस्थामा रहेका सम्पूर्ण नेपाली नागरिकलाई तुरुन्त नेपालमा प्रवेश गराउँदै नेपालको सिमाक्षेत्रमा सुरक्षित रूपमा आवास एवं भोजन लगायतका सम्पूर्ण व्यवस्था गर्नका लागि प्राज्ञिक विद्यार्थी परिषद्, नेपाल सरकारसमक्ष विशेष आग्रह गर्दछ ।
नेपाली नागरिकलाई नेपाल प्रवेश गराए पश्चात् उनीहरूको व्यवस्थाका लागि प्राज्ञिक विद्यार्थी परिषद्, नेपाल नेपाल सरकारलाई जस्तोसुकै सहयोग गर्न समेत तयार रहेको जानकारी गराउँदछौँ ।”
