भरतपुर, यो संकटको क्षणमा लक डाउन भएको परिस्थितिलाई मध्यनजर भरतपुर ४ निवासी उद्धव अर्यालले निःशुल्क एम्बुलेन्स सरह सेवा दिने भएका छन् । अर्यालले नारायणी दैनिकसंगको कुराकानीमा मानवताको लागि आफुले सानो सहयोग गर्ने जमर्को गरेको बताए ।
केहि दिन अघि गैंडाकोटको एक महिलालाई सहयोग गरेको र त्यहि घटनाबाट प्रेरित भई लक डाउन अवधि भर सहयोग गर्ने बताए । अर्याल भन्छन ‘सम्पूर्ण भरतपुर नगरवासी साथै चितवन जिल्लामा रहनुभएका जनताप्रति निःशुल्क सेवा सरह एउटा गाडी र म आफै चालक सहित आउनेछु । नगरवासीको घर, छिमेक र आफन्त बिरामी भई अस्पताल जान नपाएर पीडामा पर्नु भएको छ र उपचार हुनुबाट आत्तिनु भएको छ भने मलाई फोन गर्नुहोला तपाईंको घरमा गएर गर्नुपर्ने सेवा गर्दछु ।’
अर्यालले फेसबुक मार्फत आफ्नो फोन नम्बर सेयर गर्दै ‘”सेवा नै यो घडीको उत्तम धर्म हो” कसैले अस्पताल जानबाट वञ्चित भई उपचार नपाएर मृत्युको सामना गर्नु नपरोस्’ भनेका छन ।
उद्धव अर्याललाई ९८५१०१२३९२ यो नम्बर मा सम्पर्क गर्न सकिन्छ ।
