२७ रुपैया ५७ पैसामा खरिद गरेको पट्रोलको खुद्रा बिक्रि मुल्य किन ९६ रुपैया ?

सुजन पाठक , काठमाडौँ

बैशाख १६, नेपाल आयल निगमले ९६ रुपैया खुद्रा मुल्य तोकेको पट्रोलको खरिद मुल्य भने जम्मा २७ रुपैया ५७ पैसा रहको छ। अप्रिल १ तरिकको तथ्यको अधारमा हेर्ने हो भने पनि रक्सौल डिपोमा खरिद गर्दा जम्मा २७ रुपैया ५७ पैसा परेको देखिन्छ। सस्तोमै किनेको पेट्रोल महँगो पर्नुको कारण भने बिभिन्न शीर्षकमा सरकारि राजस्व तथा सन्चालन खर्च जोड्नु रहेको छ।

भन्सार शुल्क मात्र १५ रुपैया २३ पैसा परेको देखिन्छ भने सडक मर्मत शुल्क ४ रुपैया, नेपाल सरकारको पुर्वाधार बिकास कर १० रुपैया, प्रदुषण शुल्क १ रुपैया ५० पैसा, मुल्य स्थिरिकरण कोषमा ९६ पैसा र मू. अ. करको ११ रुपैया ४ पैसा परेको देखिन्छ। त्यस्तै दुवानि भाडा, ब्याज खर्च, बिक्रि खर्च, प्राविधिक नोक्सानि, बिक्रे्ता कमिसन गरेर जम्मा ९ रुपैया ४० पैसा लागत देखिन्छ। यसरी विभिन्न शीर्षकमा खर्च जोडेर निर्धारण गरेको खुद्रा मुल्य ९६ रुपैयामा भने निगमलाइ प्रति लिटर पेट्रोलमा १६ रुपैया १७ पैसा नाफा रहेको छ।

नेपाल आयल निगमलाइ पेट्रोलमा प्रति लिटर १६ रुपैया १७ पैसा, डिजलमा १२ रुपैया ९० पैसा, मट्टितेलमा ३६ रुपैया ७७ पैसा, हवाइ इन्धन आन्तरिक उडान तर्फ १९ रुपैया ७० पैसा तथा अन्तरस्ट्रिय उडान तर्फ ६९ रुपैया ६२ पैसा नाफा रहेको छ भने ग्यासमा प्रति सिलिन्डर १९५ रुपैया ७ पैसा घाटा रहेको छ।