बैशाख २६। गाँजा बरामद गरी फर्कीने क्रममा प्रहरीमाथि स्थानियहरुको आक्रमण गरेका छन् । आक्रमणमा ३ प्रहरी घाइते भएको ईलाका प्रहरी कार्यालय भण्डाराले जानकारी दिएको छ । सो घटनामा प्रहरी जवान अवधेस प्रसाद यादव ,लुकेश जर्घा र सुजन बराइली घाइते भएका छन् ।
२६ गते दिनको १ बजेको समयमा ईलाका प्रहरी कार्यालय टाँडीलाई गोप्य सुचना प्राप्त भयो । सूचना प्राप्त भए लगत्तै हुसेन काजी राईको कमाण्डमा १० जनाको टोली सोहि स्थान प्रस्थान गर्यो । सुचानामा भनिएको थियो कि राप्ती १२ धनमागं गैरी भन्ने वडा एरियामा लागु पदार्थ गाँजा लुकाई छिपाई राखिएको छ।
सुचनापाए पछि पुगेको प्रहरीको टोलीले लुकाई राखेको अवस्थामा ३४ किलो अबैध गाँजा बरामत गर्यो । उक्त एरियाबाट गाँजा बरामद गरी फर्कीने क्रममा वडा नं ५ स्थित चैकीडाडा भन्ने स्थानमा राति ९ :२० बजे आईपुग्दा स्थानियहरुले प्रहरीलाई लक्षित गरि आक्रमण सुरु गरे ।
अन्दाजी ३०० जना भेला जम्मा भई प्रहरीले प्रयोग गरेको बा१२च २७१ नं को रत्ननगर नगरपालिकाको गाडीमा एक्कासी स्थानियहरुले आक्रमण गर्दा उक्त गाडीको सिसा फुटेको ईलाका प्रहरी कार्यालय भण्डाराले बताएको छ । साथै रेस्क्युको लागी इलाका प्रहरी कार्यालय भण्डारावाट गएको प्रहरी निरिक्षयकको कमाण्डको टोलिमाथि समेत आक्रमण भएको थियो ।,
स्थितीलाइ नियन्त्रणमा लिनको लागी एसएलआरबाट प्रहरीले १ राउन्ड हवाई फायर गरी स्थानिय ४ जनालाई नियन्त्रणमा लिएको छ । नियन्त्रणमा चितवन राप्ती नगरपालिका ५ बस्ने बर्ष २४ को रन्जित वाईवा ,सोहि स्थान बस्ने बर्ष २० को सुमन वाईवा, बर्ष २२ को संचरास घलान र बर्ष ३५ को धन बहादुर घलान रहेका छन् ।
ईलाका प्रहरी कार्यालय भण्डारा चितवनको बा१ झ ७४६५ नं को गाडीको समेत अगाडीको सिसा र वडी क्षती भएको उक्त स्थानमा इलाका प्रहरी कार्यालय टाँडीबाट प्रहरी नायव उपनिरिक्षयकको कमाण्डमा ७ जनाको थप टोली समेत खटाइएको ईलाका प्रहरी कार्यालयले जानकारी दिएको छ ।
