भरतपुर महानगर युवा संजालले कोभिड-१९ को सङ्कटमय अवस्थालाई मध्यनजर गर्दै लकडाउनले पर्न गएको असरहरूका बारेमा छलफल गरी यस समयमा यवाहरूलाई विशेष मध्यनजर गर्दै थप रचनात्मक एंव सृजनात्मक गराउने उद्देश्यले वृहत निबन्ध प्रतियोगिता आयोजना गर्ने निर्णय गरेको छ । वर्तमान परिस्थितिलाई मध्यनजर गर्दै खुल्ला निबन्ध प्रतियोगिता कार्यक्रम आयोजना गरेको अध्यक्ष संदेश वाग्लेले बताउनु भयो ।
मिति २०७७/०२/०७ गते देखी २०७७/०२/१७ गतेसम्ममा विषय “ कोरोना पछिको आर्थिक समृद्धिमा युवाको भूमिका “ अथवा “ The Role Of Youth In Post – Corona Economic Prosperity “ मा केन्द्रित रहेर निबन्ध लेख्नुपर्ने र उक्त निबन्धलाई युवा संजालको आधिकारिक फेसबुक पेजको म्यासेस ( इन्बक्स) मार्फत पठाउनु पर्ने सचिब अमृत सापकोटाले जानकारी दिनु भयो ।
सचिब सापकोटाका अनुसार प्रतियोगितामा सहभागीहरूले निम्न उल्लेखित नियमहरू पालना गर्नुपर्नेछ :-
• सहभागीहरूले नेपालि/ अङ्ग्रेजी भाषाको मात्रै प्रयोग गर्नुपर्नेछ,अरू भाषाको प्रयोग गर्न पाइने छैन ।
• निबन्ध बढिमा ८०० शब्दको हुन सक्नेछ ।
• निबन्ध आफ्नै रचनात्मक हुनुपर्नेछ, कसैको निबन्ध / लेख चोरी गरेको पाइएमा प्रतियोगीको सहभागिता रद्द गरिनेछ ।
• एक पटक निबन्ध बुझाइ सकेपछि सोहि निबन्ध अन्तिम मानिने छ ।
• निबन्ध समयसीमा भित्रमा पठाउनु पर्नेछ ।
• प्रतियोगीहरू मध्यबाट ३ जनाबाट ३ वटा निबन्ध निष्पक्ष रूपमा छानिने छ र प्रथम,द्वितीय र तृतीय छुट्याईने छ ।
• सबै प्रतियोगीहरूले युवा संजालको आधिकारिक पेजलाई लाइक गर्नुपर्नेछ , हामीले पेजमा निबन्ध राखेपछि प्रतियोगीहरूले उक्त आफ्नो रचनालाई सेयर, लाईक र कमेन्ट गर्न र गराउनु हुन सक्नुहुनेछ । उक्त कुरालाई पनि हामीले विशेष अङ्क (plus point) राखेका छौ ।
• केहि समस्या आएमा आयोजक कमिटीको निर्णय नै सर्वमान्य हुनेछ ।
यस कार्यक्रमले वर्तमान परिस्थितिसँग सामना गर्दै भोलिका दिनमा आर्थिक समृद्धिको बाटोमा युवाहरू एकिकृत गराई अगाडि बढ्ने प्रेरणा मिल्नेछ । उक्त निबन्ध प्रतियोगितामा सबै उमेर समूहले भाग लिन सकिनेछ र विशेष पुरस्कार भरतपुर महानगरपालिकाको तर्फबाट रहने आयोजकले बताएको छ ।
थप जानकारीको लागी निम्न व्यक्तिहरुलाई सम्पर्क गर्न सकिने छ।
Facebook page : https://www.facebook.com/bharatpuryuwasanjal/
सन्देश वाग्ले 9845727512 (अध्यक्ष)
अमृत सापकोटा 9865138731 (सचिव )
