ज्योति कंडेल(प्र.) । जेष्ठ ११ ।
सेवा र विकासका लागि युवा नामक सामाजिक संस्थाले आज राप्ती-११,कोराकको बिकट गाउँमा अत्यावश्यक खाध सामाग्री वितरण गरेको छ ।लकडाउनको समयमा नुन-तेलकै अभाव भएको भनेर सहयोगको अपिल आएको हुनाले संस्थाले राहत वितरण गरेको संस्थाका अध्यक्ष राजु सापकोटाले जानकारी दिनुभयो ।
संस्थाकै अग्रसरतामा संकलित रकमले खाध समाग्री खरिद गरि भरतपुरबाट गएको स्वयंसेवक विपिन कंडेल,बिमल पौडेल र सफल पौडेलको टोलीले १० क्विन्टल नुन र १०० लिटर तेल ‘जनजाति कल्याण आश्रमका प्रतिनिधि तथा स्थानीयलाई किरणटारमा हस्तान्तरण गरेको थियो। आश्रमले पयाङ्क गाउँमा वितरण गराउने बाताइएको छ । उक्त वितरित खाध सामाग्रीले २०० भन्दाबढि घरधुरी लाभान्वित हुने आश्रमका प्रतिनिधि श्याम चेपाङले बताउनु भयो ।
यो महामारीको बिसम् परिस्थितिमा धेरै नसकेपनि नुनतेल जस्तो अपरिहार्य खाध सामाग्री वितरण गर्नमा अतुलनीय सहयोग गर्नुहुने सम्पूर्णमा संस्थाका सचिव विपिन कंडेलले धन्यवाद ज्ञापन गर्नुभयो ।
संस्थाले आपत् विपत्को समयमा विभिन्न ठाँउहरुमा सहयोग गर्दै आएको संस्थाका सक्रिय सदस्य बिमल पौडेलले बताउनु भयो ।
