शैक्षिक सामग्री, पोशाक र यातायातको सिण्डिकेट खारेज गर्न विद्यार्थी संगठनको माग

भरतपुर, २३ जेठ
चितवनमा क्रियाशिल विभिन्न राजनीतिक दलसम्बद्ध विद्यार्थी संगठनहरुले शैक्षिक सामग्री, पोशाक र यातायातको सिण्डिकेट खारेज गर्न माग गरेका छन् ।

शुक्रबार प्रमुख जिल्ला अधिकारी नारायणप्रसाद भट्टराई, जिल्ला शिक्षा समन्वय इकाईका प्रमुख भुमिलाल पौडेल र भरतपुर महानगरपालिकाको शैक्षिक प्रशासन महाशाखाका प्रमुख महेन्द्रप्रसाद पौडेललाई ध्यानाकर्षणपत्र बुझाउँदै संगठनहरुले असार १ गतेबाट सुरु गर्ने भनिएको विद्यार्थी भर्ना स्थगित गर्न माग पनि गरेका छन् ।

नेपाल विद्यार्थी संघका जिल्ला अध्यक्ष सूर्य ढकाल, समाजवादी विद्यार्थी युनियनका अध्यक्ष अनुज जोशी, नेकपा (क्रान्तिकारी माओवादी) निकटको अखिल क्रान्तिकारीका अध्यक्ष कृष्ण सुनार र विप्लव नेतृत्वको नेकपा माओवादी निकटको अखिल क्रान्तिकारीका सचिवालय सदस्य सुमन श्रेष्ठले जारी गरेको ध्यानाकर्षण पत्रमा निजी विद्यालयलाई सामुदायिक विद्यालयको भौतिक, शैक्षिक सुधारको जिम्मा दिने निर्णय खारेज गर्न पनि माग गरेका छन् ।

ती संगठनले शिक्षा क्षेत्रमा २०% प्रतिशत बजेट माग भएकोमा ११% प्रतिशत मात्रै छुट्याइएको भन्दै बजेट वृद्धि गर्न माग गरेका छन् ।

बिद्यालयले गरेको सिण्डीकेटका कारण अभिभावकहरु मर्कामा पर्ने गरेको नेबिसंघ चितवनका उपाध्यक्ष अनमोल अधिकारीले जानकारी दिनुभयो । बिद्यालयले कमिसनको खेलमा एक ठाउँबाट मात्रै पोसा र पाठ्यासामाग्री खरिद गर्न लगाउने गरेको उहाँको आरोप छ ।

सरकारले कोरोना संक्रमणको समयमा समेत शैक्षिक माफियाहरु संगको मिलेमोतोमा बिद्यालय खोल्न लागेको भन्दै उहाँले त्यस प्रति पनि आँफुहरुको ध्यानाकर्षण भएको वताउनुभयो । त्रापनपत्र बुझाउँदै उहाँले भर्ना प्रकृया संगै जिल्लामा देखिएको सिण्डीकेट नरोकिए आँफुहरु आन्दोलनमा उत्रने उहाँले चेतावनी दिनुभयो ।