लेजेन्डको स्वदेशमै निर्मित छालाको पर्स बजारमा

भरतपुर
लेजेन्ड ईन्टरनेशनलले LEGENDO नामक आफ्नो रजिस्ट्र्ड ब्रान्ड नेमबाट फेशन ब्रान्डका सामानहरु विक्रीवितरण गर्न सुरु गरेको छ | केहि समय अगाडी देखि नै आफ्नो परिक्षण बिक्रि बितरण गर्दै आए पनि अब भने तिब्र रुपमै बजारमा आफ्नो प्रोडक्ट लिएर जाने भएको छ |

लेजेन्ड ईन्टरनेशनल हालचाल सुरुवात गरिएको नेपाली कम्पनि हो। सुरुवाती अवस्थामा उच्च गुणस्तरीय छालाबाट बनाइएका पर्स (Genuine Leather Wallet) बजारमा लिएर आएको छ ।

बिदेशी फेशन ब्रान्डको दब-दबाह रहेको नेपाली बजारमा आफ्नो स्वदेशी ब्रान्डलाई भित्र्याउनु आफैमा एक चुनौती हो, तर गुणस्तर राम्रो बनाएर हरेक ग्राहकहरुको बिश्वास जित्दै जाने हो भने नेपाली बजार मात्र होईन बिदेशी बजारमा पनि राम्रो स्थान हासिल गर्न सकिने लेजेन्ड ईन्टरनेशनलका संस्थापक सन्देश पौडेलले बताए ।

नेपाली ग्राहकहरुलाई अन्तरास्ट्रियस्तरको स्वदेशमै निर्मित फेशन ब्रान्डका सामानहरु उपलब्ध गराउनुनै लेजेन्ड ईन्टरनेशनलको मुख्य उद्देश्य रहेको यसै कम्पनिका अर्का संस्थापक आबिष्कार ढकालले बताए ।

दुइ जाना युवाहरु मिलेर सुरुवात गरिएको यो व्यवसाय अबको नेपाली तथा अन्तरास्ट्रिय बजारमा एक उदाउदो ब्रान्डको रुपमा देखा पर्ने उनको विश्वास छ। बिदेशी मोहलाई त्यागेर नेपाल मै केहि गर्न सकिन्छ भन्ने एक ज्वलान्त उदाहरणको रुपमा आजका यी युवाहरुले आफुलाई उभ्याउन खोजेका छन्।