चितवन , २८ जेठ
जिल्ला प्रशासन कार्यालय चितवनले नेपाल पुस्तक तथा स्टेशनरी व्यवसायी महासंघ चितवन शाखाका अध्यक्ष राजेन्द्र तिवारीलाई जरिवाना तथा कैद आदेश दिएको छ ।
अनुचित लाभ लिएको भन्दै उनलाई स्थानिय प्रशासन ऐनको दफा ६ को ५ अन्तर्गत एक हजार रुपैयाँ जरिवाना र दुई महिना कैद सजाय तोकिएको जिल्ला प्रशासन कार्यालय चितवनका सूचना अधिकारी ईश्वर सिंखडाले जानकारी दिनु भयो ।
तिवारीले कैदको सट्टा कैद बराबरको हुने गरि जरिवाना दाखिला गर्ने भनेपछि उनले १९ हजार जरिवाना तिरेका हुन् ।
तिवारीले दुई महिनाको कैदा बराबरको १८ हजार रुपैयाँ र जरिवानको १ हजार रुपैयाँ गरि १९ हजार रुपैयाँ तिरेको सूचना अधिकारी सिंखडाले बताउनु भयो। व्यवसायीले पुस्तक तथा स्टेशनरी सामानमा केहि छुट दिदाँ समेत १० हजार जरिवाना लिने गरेको गुनासो विभिन्न संचारमाध्यममा आएपछि प्रशासनले चासो देखाएको थियो ।
समावेशी सबर डटकमले यस बिषयमा निरन्तर खबरदारी समेत गर्दै आएको थियो । रत्ननगरको गोर्खाली पुस्तक पसलका संचालक नारायण रेग्मीले जिल्ला प्रशासन कार्यालयमा दिएको निवेदन अनुसार अनुसन्धान र छानविन गर्दा संघ र पदाधिकारीको कमजोरी देखिएको हो ।
महासंघ चितवन शाखाको बैधानिकता नै देखिएन
नेपाल स्टेशनरी व्यवसायी महासंघ चितवन शाखाको बैधानिकता समेत देखिएको छैन । जिल्ला प्रशासन कार्यालय लगायत कुनैपनि आधिकारि निकायमा चितवन शाखाको दर्ता नदेखिएको जिल्ला प्रशासन कार्यालयले जनाएको छ ।
संस्थाको बैधानिकता पेश गर्न भन्दा उहाँहरुले केहिपनि दिन नसकेकोले उहाँहरुको केन्द्रिय महासंघलाई पत्र पठाएका छौ र बैधानिकता पुष्टि नहुदाँसम्म चितवन शाखाले कुुनैपनि काम गर्न नपाउने सिंखडाले बताउनु भयो।
महासंघ चितवन शाखाले स्टेशनरी व्यवसायीहरुबाट अवैध रुपमा जरिवाना र जबरजस्ती सहयोग स्वरुप रकम लिने गरेको र नतिर्दा पुस्तक उपलब्ध नगराउन होलसेल पसललाई पत्राचार गर्ने गरेको थियो ।
सन्दर्भ सामग्री : समाबेसी खबर/ बिकास पौडेल
