भरतपुर ।
प्रतिनिधि सभाले नेपालको निशान छापमा नयाँ नक्सा समावेश गरेको विधेयक पारित गरेकोमा नयाँ नक्साको स्वागत गर्दै युवाहरुले दीप प्रज्ज्वलन गरेका छन् ।
भरतपुरको चौबिसकोठीमा राष्ट्रिय झन्डासहित जम्मा भएका युवाले नेपालको नक्सा बनाएर दिपावली गरेका हुन् ।
नेपालको सार्वभौम संसदबाट भारतीय पक्ष द्वारा बर्षौ देखी अतिक्रमित भुभाग कालापानी, लिपुलेक, लिंपियाधुरा सहितको नक्शालाई संविधान संशोधनद्वारा सम्पूर्ण राजनैतिक दलको समर्थनबाट सर्बसम्मतिद्वारा पारित गरिएको छ ।
सरकारी निशान छापमा रहेको नेपालको नक्सा समेत परिवर्तन हुने भएको छ । यस्तो ऐतिहासिक दिनको अवसरमा नेपाल सरकार र सम्पूर्ण राजनैतिक दलहरूलाई बधाई ज्ञापन गर्दै दीपप्रज्वलन कार्यक्रम आयोजना गरिएका हुन् ।
