१८ असार,काठमाडौं । सत्तारुढ नेकपाभित्र देखिएको द्वन्दले संकटमा पुगेका प्रधानमन्त्री केपि शर्मा ओलीले पार्टी विभाजन गरेरै भएपनि सरकार नछोड्ने रणनीति अपनाएका छन् । नेकपा उच्च स्रोतले जनाएअनुसार पार्टीबाट बहुमत गुमाएका उनले सरकार नछाड्न पार्टी विभाजन गर्ने गरि रणनीति अख्तियार गरेका हुन् ।
बिहिबार मन्त्रिपरिषदबाट संसद अधिवेशन अन्त्य गर्ने निर्णय गर्नुको पछाडि पनि उनको रणनीति प्रष्ट भएको नेकपा स्रोतले बताएको छ । जानकारका अनुसार उनले यसअघि ल्याएको पार्टी विभाजनको अध्यादेश संसद अधिवेशनको अन्त्यसँगै पुनः ल्याउने संसार न्युजमा उल्लेख छ।
