१९ असार– प्रधानमन्त्री केपी शर्मा ओलीको सरकार ढाल्न पाइँदैन भन्दै भरतपुरमा प्रदर्शन शुरु भएको छ ।
नेकपा स्थायी समिति बैठकमा केही नेताहरुले प्रधानमन्त्री तथा पार्टी अध्यक्ष केपी शर्मा ओलीको राजीनामा मागेपछि प्रधानमन्त्रीका समर्थक सडकमा उत्रिएका हुन ।
वर्तमान सरकारले राम्रो काम गरिरहेको तर केही नेताको स्वार्थ पुरा गर्न र भारतीय चलखेलका आधारमा केपी ओलीको सरकारलाई दबाब दिने काम भएको भन्दै उनीहरुले सरकारलाई सत्ता नछाडन दबाब दिएका हुन् ।
केपी ओली सरकारको विकल्प हिजो प्रधानमन्त्री भइसकेका नेता हुन नसक्ने भन्दै उनीहरुले वर्तमान सरकारलाई पुरा कार्यकाल कामगर्न दिनुपर्ने माग गरेका छन् ।
