नारायणी दैनिक, चितवनको भरतपुरमा नव उद्धमी ब्यावसायीहरुको भेटघाट नवौं गोष्टी सम्पन्न भएको छ। युवा संजाल भरतपुरको आयोजना र भी ग्रुपको व्यवस्थापनमा भएको कार्यक्रममा ४० जना फरक फरक ब्यावसायीको सहभागिता रहेको थियो । भरतपुरको होटल शुभममा आयोजित गोष्टिमा बिभिन्न किसिमका व्यावसायमा आवद्ध व्यक्तिहरुको साथै शिक्षा बिकास तथा समन्वयन इकाई अधिकृत रुद्र प्रसाद शर्माको बिशेष उपश्थिति रहेको थियो।
इकाई अधिकृत रुद्र प्रसाद शर्माले युवाहरुले यसरी कार्यक्रम गर्नु सह्रानीय कार्य भएको भनेर प्रशंसा गर्नु भयो। उहाँले केन्द्रिय सरकार, प्रदेश सरकार र स्थानीय सरकारले युवालाई कुन कुन क्षेत्रमा कसरी सहयोग गर्छ भनेर जानकारी दिनु भएको थियो। सरकारले कस्ता नीति नियम बनाएको छ भनेर उद्धमीलाई प्रकाश पर्नु भएको थियो।
यसै गरि महानगर युवा संजाल संयोजक संदेश वाग्लेले समग्र महानगर बिकासमा युवाको विशेष भुमिका रहेनेमा जोड दिनु भयो । महानगरमा केही गरौ भन्ने युवाहरु धेरै भएको तर के र कसरी गर्न सकिन्छ भनेर युवामा सीपमुलक ज्ञानको कमिले आज युवाहरु गरि रहेकोे ब्यबसायबाट घाटामा गएर ब्यबसायबाट टाढा हुने गरेकोमा उहाले दुख ब्यक्त गर्नु भयो। भरतपुरका युवाहरूलाइ प्रोत्साहन गर्न नगर युवा संजालले युवा संजाल गठन भएकै दिन बाट निरन्तर काम गरि रहेको उहाले बताउनु भयो। अब आउने दिनमा उद्धमी युवाहरूका लागि युवा संजालले निरन्तर काम गर्ने र अब चाडै नै महानगरमा बिजनेस इनकुबेसन सेन्टर खोल्ने र समग्र युवाको बिकासमा सहयोग पुग्ने बताउनु भयो ।
कार्यक्रममा प्राईम बैंक र ज्योति बिकास बैंकका प्रतिनिधिहरुले बैंकको ऋण प्रकृयाबारे जानकारी दिनु भयो । प्रधानमन्त्रि कृषि आधुनिकरण परियोजना ईकाई प्रतिनिधि अस्विन तिवारीले कृषि क्षेत्रको सम्भाव्यता बारेमा जानकारी दिनु भएको थियो।
नव उद्धमी भेटघाट कार्यक्रममा विभिन्न क्षेत्रका उद्धमीहरुको सहभागिता रहेको थियो । आफ्नो क्षेत्रमा भएका सबै व्यावसायलाई सहयोग पुगोस भन्ने हेतु र एकले अर्काको व्यावसायलाई पनि बिस्तार र प्रबर्धन गर्न थप सहयोग होस भनेर गोष्टीको आयोजना गरिएको भी ग्रुपका संस्थापक तथा परिकल्पनाकार बिपिन कंडेलले बताउनु भयो। भेटघाट कार्यक्रम महिनाको १ गते र १५ गते भेटघाट कार्यक्रम गर्ने गरिएको छ।
