भरतपुर, ७ साउन १६ किलोको पहिरो पन्छ्याएर नारायणगढ–मुग्लिङ सडकको सवारी आवागमन एकतर्फी सुचारु गरिएको छ । सोमबार विहान चारकिलोमा खसेको पहिरोका कारण ३६ घण्टा अवरुद्ध भएको उक्त सडकमा सवारीसाधन मंगलबार अपरान्न मात्रै एकतर्फी सञ्चालनमा आएपनि मंगलबार राती १६ किलोमा पहिरो खसेर पुनः अवरुद्ध भएको थियो ।
मौवा खोलामा बगाएको एप्रोच सडकको काम पनि तिब्र गतिमा भइरहेको छ । मौसम अनुकूल रहेमा सम्भवत विहीबार साँझ वा पर्सी दिउँसो सम्ममा मौवा खोलाको मर्मत कार्य सम्पन्न गरि मुग्लिङ–मलेखु–नौबिसे सडक पनि सुचारु गर्ने उद्देश्य रहेको डिभिजन सडक कार्यालय चितवनले जनाएको छ । कयाकैरन बाट साभार
तपाईको प्रतिक्रिया
