काठमाडौ । सोमबार थप ५ सय ८१ जनामा कोरोना पुष्टि भएको छ। काठमाडौं उपत्यकामा आज थप १६८ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमका अनुसार विगत २४ घण्टामा देशभर सो संख्यामा संक्रमित थपिएका हुन्। थपिएका संक्रमितमा १ सय ७३ महिला र ४ सय ८ पुरुष छन्।
आज थपिएका यीसहित हालसम्म संक्रमित हुनेको संख्या २७ हजार २ सय ४१ पुगेको छ। त्यस्तै विगत २४ घण्टामा १ सय ६० जना निको भइ घर फर्किएका छन्। यीसहित हालसम्म कोरोनाबाट निको हुनेको संख्या १७ हजार ४ सय ९५ पुगेको छ। देशभर सक्रिय संक्रमितको संख्या ९ हजार ६ सय ३९ छ।
त्यस्तै कोरोनावाट ज्यान गुमाउनेको संख्या १ सय ७ जना पुगेको छ । विगत २४ घण्टामा गरिएको परीक्षणमा थप ३ जनामा कोरोनाका कारण निधन भएको हो । हालसम्म ५ लाख २९ हजार ४ सय २७ जनाको पिसिआर परीक्षण भएको छ।
काठमाडौं उपत्यकामा कोरोनाको जोखिम उच्च बनेको छ। अन्य प्रदेशहरुभन्दा उपत्यकामा बढी संक्रमित फेला पर्न थालेपछि यहाँ जोखिम बढेको हो।
आइतबार पनि काठमाडौं उपत्यकामा थप १ सय ७२ जनामा कोरोना पुष्टि भएको थियो। स्वास्थ्य तथा जनसंख्या मन्त्रालयका प्रवक्ता प्रा।डा।जागेश्वर गौतमका अनुसार काठमाडौंमा १ सय २६, ललितपुरमा ३८ र भक्तपुरमा ८ जनामा देखिएको थियो। सोमवार पनि ठूलो संख्यामा कोरोना संक्रमित थपिए । सोमवार १६८ जना नयाँ संक्रमित थपिएका छन् । आइतबार उपत्यकामा देशकै सर्वाधिक संक्रमित भेटिएका हुन्।
