काठमाडौ । कोरोनावाट काठमाडौमा १ सहित सोमवार थप ८ जनाको निधन भएको छ । कोरोनावाट निधन हुनेको संख्या पनि दिनहु बढ्न थालेको छ ।
सोमबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले कोरोनाबाट सोमवार ३ महिला र ५ पुरुष गरी थप ८ जनाको निधन भएको पुष्टि गरेका छन् । प्रवक्ता गौतमका अनाुसार कोरोनाबाट सुनसरीका ६८ वर्षीय पुरुष, मोरङका ६५ वर्षीय पुरुष, पर्साकी ७० वर्षीया महिला, काठमाडौँका ४८ वर्षीय महिलाको निधन भएको हो।
त्यस्तै रुपन्देहीकी एक ६७ वर्षीया महिला र ३८, ५३ र ५४ वर्षीय पुरुषको पनि कोरोनाबाटै निधन भएको हो। स्वास्थ्य मन्त्रालयका अनुसार योसँगै नेपालमा कोरोनावाट निधन हुनेको संख्या १५७ पुगेको छ ।
यो अर्को समाचार, सङ्क्रमित थुनुवा आइसोलेसनबाटै फ’रार
बाँके । जिल्ला प्रहरी कार्यालयको हिरासतमा रहेका एक कोरोना सङ्क्रमित थुनुवा आइसोलेसन केन्द्रबाटै फ’रार भएका छन् । कोरोना देखिएपछि बाँकेको खजुराखुर्दस्थित कृषि तालीम केन्द्रको आइसोलेसनमा स्वास्थ्यलाभ गरिरहेका ती थुनुवा आइतबार फ’रार भएको जिल्ला प्रहरी कार्यालय बाँकेका प्रमुख प्रहरी उपरीक्षक ओमबहादुर रानाले जानकारी दिए ।
थुनुवालाई यही भदौ ५ गते कोरोना पुष्टि भएपछि कृषि तालीम केन्द्रको आइसोलेसनमा लगिएको थियो । आइसोलेसनबाटै सङ्क्रमित थुनुवा फ’रार भएपछि खोजीका लागि सुरक्षा टोली परिचालन गरिसकेको प्रहरी उपरीक्षक रानाले बताए ।
सङ्क्रमित थुनुवा फ’रार भएपछि आइसोलेसनको सुरक्षार्थ खटिएका प्रहरीलाई जिल्ला प्रहरी कार्यालयमा फिर्ता बोलाएर आवश्यक अनुसन्धान भइरहेको छ । उक्त आइसोलेसनमा प्रहरी सहायक निरीक्षकको नेतृत्वमा पाँच प्रहरी खटिएका थिए ।
