चितवन चेम्बर अफ कमर्सले आसोज २७ गते ७० औं चेम्बर दिवस मनाउने भएको छ। नेपाल चेम्बरको ७० औं बर्ष प्रवेशको अवसरमा शुभकामना कार्यक्रम सहित प्लाज्मा दान कार्यक्रम आयोजना गरिने उपाध्यक्ष गोपाल भट्टराईले जानकारी दिनु भयो।
७० औं बर्ष प्रवेश गरेको सु-अवसरमा कोरोना संक्रमणको बिषयलाई ध्यानमा राखेर अन्य कुनै औपचारिक कार्यक्रम नगरिएको कार्यक्रम संयोजक माधव दुवाडीले बताउनु भयो। कोभिड संक्रमित भएर निको भएका मानिसहरुको नया संक्रमितलाई दिदा छिटो निको हुने भएको कारण , प्लाज्मा दान कार्यक्रम गर्न लागेको कार्यक्रम संयोजक माधव दुवाडीले बताउनु भयो।
मंगलबार २७ गते शुभकामना कार्यक्रम चेम्बर भवनमा, कोभिड संक्रमितहरुको जीवन रक्षार्थ प्लाज्मा दान कार्यक्रम ससस्त्र प्रहरी बल, भण्डारामा ,२९ गते चितवनको सेन्ट्रल पाल्म होटेलमा , र कार्तिक १ गते शनिबार रत्ननगर टाँडीमा आयोजन गरिने कार्यतालिका रहेको चितवन युवा चेम्बरका संयोजक बिशाल भट्टराईले जानकारी दिनु भयो ।
‘कोरोना संक्रमितको आह्वान , हाम्रो साझा अभियान ,मैले जिते कोरोना , म गर्छु प्लाज्मा रक्तदान” भन्ने मूल नाराका साथ कार्यक्रम आयोजना गरिने चितवन महिला चेम्बरकि संयोजक अनुषा पाठकले बताउनु भयो ।
चितवन चेम्बर को स्थापना २०७५ सालमा भएको थियो भने नेपाल चेम्बर अफ कमर्स देशकै पुरानो संस्था रहेको कार्यसमिति सदस्य रुबिन रामुदामुले बताउनु भयो। चितवन चेम्बर मा ६०० भन्दा बढी ब्यबसायीहरु आवद्ध छन्।
