कार्तिक ३ गते भी ग्रुप नेपालको कैलाली शाखा गठन गरिएको छ। ग्रुपका केन्द्रीय सदस्य जीवन तिमिल्सैनाको प्रमुख आतिथ्यतामा लम्कीचूहा नगरपालिकामा सम्पन्न युवाहरुको भेलाले मयाराम खत्रीको संयोजकत्वमा ९ सदस्यीय तदर्थ समिति गठन गरेको छ ।
कैलालीका सबै नवउद्यमीलाई अवसर प्रदान गर्न तथा चलिरहेका व्यावसायिक प्रतिष्ठानहरूको प्रर्वद्धन गर्ने उद्देश्यले कैलालीमा पनि गैरनाफामुखी भी–ग्रुप नेपालको शाखा विस्तार गरिएको छ ।
समितिको सह संयोजकमा सितु चौधरी , सचिबमा भवानी प्रसाद भण्डारी , कोषाध्यक्षमा करिस्मा खत्री र सदस्यहरुमा कमल रिमाल , बिष्णु तिमिल्सैना , लोकेन्द्र सिंह , रामबहादुर मिजार , जीवन शाही रहेका छन्।
उक्त भेलामा अतिथिको रुपमा कैलालीका कपिल ढकाल , लक्ष्मण बुढाथोकि, प्रजिन राई, नकुल बम , भरत जंग सिंह , भरत बडुवाल तथा आयुष साउद को उपस्थिति रहेको थियो।
भी–ग्रुपको उद्देश्य नवउद्यमीलाई अवसर दिने र चालू व्यवसायहरूलाई प्रर्वद्धन गर्ने रहेको केन्द्रिय सदस्य जीवन तिमिल्सैनाले बताउनु भयो । भी–ग्रुपले चितवन जिल्लाबाट सुरु गरेको यो अभियान ७७ जिल्लाभरमा विस्तार गर्ने योजना राखेको र कैलालीबाट यो सुरुवात गरेको तिमिल्सैनाले बताउनु भयो।
ग्रुप मार्फत जिल्लामा रहेका नवउद्यमी, विभिन्न क्षेत्रका विज्ञ, बैंकर्स, व्यवसायी तथा पेशागत रूपमा चिकित्सक, इञ्जिनीयर र योजनाकर्ता एउटै स्थानमा भेला भई ब्यतिगत आर्थिक विकास सहित समाज विकासको छलफल गर्न सक्ने छन् ।
भी ग्रुपको बारेमा राष्ट्रिय दैनिक आर्थिक अभियानमा प्रकाशित सामग्री : https://www.abhiyandaily.com/newscategory-detail/371495
