नारायणगढ जेसीजको चौथो साधारण सभा तथा ४३ औ शाखा अधिवेशन सोमबार सम्पन्न भएको छ । नारायणगढ जेसीजको ४३ औं शाखा अधिवेशनबाट वर्ष २०२१ को अध्यक्षमा बासुदेव दवाडी सर्वसम्मत रूपमा निर्वाचित भएका छन् ।
वर्ष २०२० मा कानूनी सल्लाहकार भइ कुशलतापूर्वक जिम्मेवारी निर्वाह गरिसकेका दवाडी सामाजिक सेवा लगायत विभिन्न संघसंस्थामा आवद्ध छन् । दवाडी चितवन क्षेत्रमा क्रियाशिल यूवा व्यक्तित्वका रुपमा समेत परिचित छन् ।
नारायणगढ जेसीजको विधान १९८१ ( संशोधित २०२०) अनुसार अध्यक्षसहित दुईजना कार्यकारिणी उपाध्यक्ष, चारजना उपाध्यक्ष र चारजना निर्देशक निर्वाचन प्रक्रियावाट निर्वाचित हुनुपर्ने भएकाले सोही अनुसार साधारण सभाबाट सबै पदमा सर्वसम्मत नेतृत्व चयन गरिएको छ ।
नारायणगढ जेसीज बर्ष २०२० का अध्यक्ष अनोज जोशीको सभापतित्वमा भएको शाखा अधिवेशनमा पुर्ब शाखा अध्यक्ष , साथै अन्य शाखा प्रतिनिधि हरुको उपस्थिति रहेको थियो ।
