अन्तरास्ट्रिय स्वयंसेवक दिवसको अवसरमा भरतपुर महानगर युवा संजालको आयोजनामा भरतपुर अस्पताल परिसर सरसफाई कार्यक्रम सम्पन्न भएको छ। साथै आजको दिन देखि प्रत्येक हप्ता युवा संजालको सहकार्यमा सरसफाई अभियान संचालन गरिने व्यवस्था मिलाइने अस्पतालले जनाएको छ।
आजको सरसफाई कार्यक्रममा वे ग्रुप , सन्देश फाउन्डेसन, सेवा र बिकासका लागि युवा, शंकर शितल स्मृति प्रतिष्ठान, बार्सा चितवन , रोट्राक्ट क्लब अफ चितवन , संघर्स युवा समाज , नेपाल युथ रेडक्रस सर्कल – रामपुर, सिस्टरहूड, न्यु वे फाउन्डेसन, सुनौलो बिहानी लागु औषध उपचार तथा पुन स्थापना केन्द्र साथै अन्य संघ संस्थाहरु सहित लगभग १०० जनाको उपस्थिति रहेको थियो।
बिहान ७:३० मा सुरु भएको कार्यक्रमले पार्किंग क्षेत्र सरसफाई गरि ४ टन फोहोर संकलन गरिएको संयोजक सन्देश वाग्लेले जानकारी दिनु भयो।
उक्त कार्यक्रममा भरतपुर महानगर शिक्षा इकाई प्रमुख महेन्द्र पौड्याल , भरतपुर अस्पताल विकास समिति अध्यक्ष डा भोजराज अधिकारी ,
निमित्त प्रमुख मेडिकल सुपरिटेण्डेण्ट डा. जगन्नाथ तिवारी, समितिका सदस्य केशव देवकोटा तथा अन्य प्रतिनिधिहरुको उपस्थिति रहेको थियो।