नेपाली गितकारमा आफुलाई एक पृथक स्थानमा उभाउन चाहने ई. किरण रिजाल´आँखा भरी ` मार्फत प्रस्तुत भएका छन। साहित्यिक गहिराईको खडेरी परेको नेपाली संगीत क्षेत्रमा उक्त गजलले कसिलो साहित्यिक परिधी ओगटेको आभास हुन्छ भने अब आउने नयाँ पुस्ताको लागि एउटा पाठ हुनसक्छ । इन्जिनियर रिजालले लेखेको उक्त गजलमा स्वर र संगीत पुरुशोत्तम सुबेदीको रहेको छ भने चानस पुन मगरद्वारा निर्देशित तथा याम बस्नेत र रमेश शाहीद्वारा सहनिर्देशित उक्त भिडियोमा पुर्ण बि.सि. , अन्जना श्रेष्ठ , याम बस्नेत, कल्पना शाही, सुनिल रेग्मी , चन्द्र मन्दिर, दिप बस्नेत लगायतको अभिनय हेर्न सकिन्छ। उक्त भिडियो हाईलाइट नेपाल युबट्युब च्यानलबाट बजारमा ल्याइएको छ।
नेपाल सरकारको निजामती सेवामा आबद्द रिजाल पेशाले एक सिभिल इन्जिनियर हुन। बिगत लामो समयदेखि साहित्यिक यात्रामा रहेका उनी , काठमाडौ , पोखरा , सुर्खेत लगायतका साहित्यिक कार्यक्रममा सहभागी हुँदै आइरहेका छन। पश्चिमाञ्चल क्याम्पस (WRC) पोखरामा इन्जिनियर((BE) अध्धययन गर्दै गर्दा इन्जिनियरिङ्ग साहित्यिक सन्जाल (इन्सास) पोखराको सस्थापक उपाध्यक्ष र सल्लाहकार रहेका उनी गित, गजल, मुक्तक, कथा, कबिता तथा फुटकर लेखहरु लेख्दै आइरहेका छन। आफ्नो पढाई , जागिर, पारिवारिक ब्यस्तताका बाबजुत पनि नेपाली साहित्य र संगीतमा सधै योगदान दिने प्रतिबद्धता ब्यक्त गर्ने गितकार रिजाल हाल इन्जिनियरिङ्ग विषयमै स्नातकोत्तर(ME) गरिरहेका छन।
इमान्दारीता, लगनशीलता र धैर्यता नै सफलताका बिम्ब हुन भन्ने बिचार भएका रिजाल शान्त पुर्बक निरन्तर साहित्य साधनामा लागिरहेका हुन्छ्न। समयको पुजारी ठान्ने उनी थोरै थोरै बचत समयको राम्रो सदुपयोग गर्दै अझै नयाँ सिर्जनाहरु बजारमा ल्याउने तयारिमा छन।
