काठमाडौं । प्राज्ञिक विद्यार्थी परिषद् नेपालको केन्द्रीय कार्यसमिति बैठक यहि मङ्सिर २६ र २७ गते चितवनमा हुने भएको छ ।
राजनीति दल देखि स्वतन्त्र रहेर शिक्षा क्षेत्रमा काम गर्दै आइरहेको नेपालको एक स्वतन्त्र विद्यार्थी संगठनले विगत २५ बर्षदेखि निरन्तर शैक्षिक सुधारका निम्ति महत्त्वपूर्ण कार्यहरू गर्दै आइरहेको छ ।
असल व्यक्ति निर्माणको माध्यमबाट देशलाई पुनःनिर्माण गर्ने उदेश्य बोकेको विद्यार्थी सँगठनले देशको आम युवा शक्ति र विद्यार्थीहरूलाई असल , नैतिकवान, क्षमतावान सिपयुक्त्त र देशको धर्म संस्कृति संरक्षणमा पनि महत्त्वपूर्ण योगदान दिदै आइरहेको कुरा परिषद्का महासचिव सुरेन्द्र प्रसाद भट्टले जानकारी दिए।
उनका अनुसर विद्यार्थी परिषद् दलगत राजनीति भन्दा माथि रहेर काम गर्दै आइरहँदा आजको दिनमा ७७ वटै जिल्लामा परिषद्को कार्य विस्तार भईरहेको र देशको ६ सय भन्दा बढि कलेजमा पढने विद्यार्थीहरूलाई विभिन्न किसिमका व्यत्तत्व विकास, नेतृत्व विकास र सिप विकास तालिमको माध्यमबाट युवा विद्यार्थीलाई सक्षम बनाउने कार्य विद्यार्थी परिषद्ले गरिरहेको कुरा जानकारी गराए ।
साथै विद्यार्थी परिषद्को महामारीको बिचमा पनि हुन गई रहेको केन्द्रीय कार्यकारी समिति बैठक रजत जयन्ती विशेष भएकोले यस बैठकमा विगतका समिक्षा र आगामी योजनाहरू तय हुने र कोरोना महामारीको कारण परिषद्का रोकिएका आगामी कार्यक्रमहरूको बारेमा विशेष छलफल हुनेछ । साथै विद्यार्थी परिषद्को विशेष अभियान मिसन साहासि, युवा सिप विकास तालिम, र विद्यार्थी परिषद्को नियमित गतिविधि ,परिषद्को प्रदेश अधिवेशन र कोरोना महामारीको कारणले स्थगित भएको आठौँ राष्ट्रिय अधिवेशनको बारेमा विशेष योजना र अधिवेशको स्थान र मिति समेत तय गरिने बताए ।
साथै विद्यार्थी परिषद्ले यस बैठकबाट महामारीको कारणले शिक्षा क्षेत्रमा पारेको प्रभाव, आगामी शैक्षिक गतिविधि , शैक्षिक सुधार र देशको समसामयिक अवस्थाको बारेमा दुई विशेष प्रस्तावहरू पारित गरि सरकार समक्ष पेश गरि कार्यान्वयनका निम्ति दवाव सिर्जना गर्ने कुरा विद्यार्थी परिषद्का महासचिव सुरेन्द्र प्रसाद भट्टले बताए ।