नेपाल जेसीजका पुर्व कार्यकारिणी उपाध्यक्ष जेसीआई सिनेटर रविन पोखरेलज्युको प्रमुख प्रशिक्षणका साथ नारायणगढ जेसीज वर्ष २०२१ का पदाधिकारी तथा अन्य सदस्यहरुका लागी आवासीय तालीम र कार्यशाला गोष्ठी चितवनको पर्यटकीय स्थल सौराहामा सफलतापूर्वक सम्पन्न भएको छ।
यहि माघ १६ र १७(जेनवरी २९ र ३०) गते सम्पन्न उक्त कार्यक्रममा प्रशिक्षकको भुमीका पुर्व शाखा अध्यक्ष एंव पुर्व राष्ट्रिय उपाध्यक्ष जेसी अर्जुन अधिकारीज्युले प्रदान गर्नु भएको थियो भने सो कार्यक्रमको सभापतित्व नारायणगढ जेसीज वर्ष २०२१ का अध्यक्ष जेसी वासुदेव दवाडीज्युले गर्नु भएको थियो।
संचालक समितिमा रहेर कार्य गर्ने तौर तरिका,संयोजकहरुको भुमिका,शाखा,नेपाल जेसीज एवं जेसीआईका बारेमा अत्यन्तै महत्वपुर्ण जानकारी;बदलिँदो समयमा जेसीज सदस्यहरुको बढ्दो जिम्मेवारी,जेसीआई को भविष्य लगायतका बारेमा प्रशिक्षकद्वयले अत्यन्त लाभदायक जानकारी गराउनु भएको थियो।
दोस्रो दिनको कार्यशाला गोष्ठीमा वर्ष २०२१ का निम्ती सदस्यहरु एंव समुदायलाई आवश्यक कार्यक्रमहरुको अध्ययन,छलफल एंव कार्य योजना तर्जुमा गरिएको थियो।
उक्त कार्यक्रमको संयोजन एंव संचालन तालिम आयुक्त जेसी राजेन्द्र भट्टराईले गर्नु भएको थियो भने सो कार्यक्रममा पुर्व अध्यक्षज्युहरु श्री खेमराज भट्टराई,श्री मनोजराज श्रेष्ठज्यु,श्री गोपाल भट्टराईज्यु,जेसीआई सिनेटर बाबुराम रामदामज्यु एंव जेसी विकासमान श्रेष्ठज्युको गरिमामय उपस्थिती रहेको थियो भने २४ जना जेसीज सदस्यहरुको सहभागीता रहेको थियो।
सम्पुर्ण सदस्यहरुको प्रतिनिधित्व गर्दै नारायणगढ जेसीजका उद्योग तथा वाणिज्य संयोजक जेसी विनोद अधिकारीले प्रशिक्षकज्युहरुलाई तालिमका लागी धन्यवाद दिँदै सिनेटर रविन पोखरेलको विशेष नविन र वहुआयामिक तालिमले जेसीज जिवनमा निकै सहजता प्रदान गर्ने विश्वास व्यक्त गर्नुभयो।
आन्तरीक पर्यटनको पुन:प्रवर्धन गर्नु पर्ने आवश्यकतालाई मनन गर्दै सौराहाको होटल सेभेनस्टारमा सम्पन्न उक्त कार्यक्रमले देशभरीका जेसीज तथा अन्य महानुभावहरुलाई चितवन घुम्ने निमन्त्रणा पनि गरेको छ।