भरतपुर महानगरपालिका वडा नं. ८ मा रहेका युवाहरूको क्षमता विकासको लागि नेतृत्व विकास तथा उद्घोषण तालिम संघर्ष युवा समाजको आयोजना तथा ज्योति युवा क्लवको सहकार्यमा ज्योति युवा क्लवको सभाहलमा सुरु भएको छ ।
उक्त तालिममा वडा नं. ८ का पॅंाच टोल विकास संस्था , महिला समुहहरू र युवा क्लबको सहभागिता रहेको छ । नेपाल क्षयरोग निवारण संस्था चीतवन शाखाका सभापति तथा वडा नम्बर ८ का अध्यक्ष दामोदर न्यौपाने ज्यूले उद्घाटन गर्नुभएको थियो। उहाले यस कार्यक्रम आयोजना गरेकोमा विशेष धन्यवाद दिदै सफलताको शुभकामना दिनु भएको थीयो ।
सो अबसरमा उहाले युवाहरूहरुलाई अरुको अगाडि उभिएर निर्धक बोल्न सक्ने बनाउन तालिम आयोजना गरेकोमा धन्यवाद दिनुभयो। तालिममा बोल्ने कला अर्थात वाक कला माईनुट लेखन लगायतका विषयहरुमा चितवनका सञ्चारकर्मी तथा कार्यक्रमका विशीष्ट अतिथी एंव प्रशीक्षक संयोजक मधु सुधन घिमीरे ज्यूको नेतृत्वमा प्रशिक्षण दिइने छ ।
संघर्ष युवा समाजको संयोजक कृष्ण प्रसाद कंडेलको अध्यक्षतामा भएको उद्घाटन कार्यक्रममा वडा सदस्य भगवति गौतम, संगम आदिवासी टोल विकास संस्था तथा श्री वनदेवि वरण्डावार मध्यवर्ति सामुदायिक वनका उपाध्यक्ष शोभाखर कंडेल ,संघर्ष युवा समाजका सल्लाहाकार संयोजक उमानन्द कंडेल , ज्योति युवा क्लवका अध्यक्ष बुध्दिसागर कंडेल , ज्योति टोल विकास संस्थाका अध्यक्ष एंव संघर्ष युवा समाजका संरक्षण समीति संयोजक लक्ष्मीकान्त कंडेल , न्यूरोड दिपशीखा टोल विकास संस्थाका अध्यक्ष भुमीराज तिवारी , शान्ति मार्ग टोल विकास संस्थाकी अध्यक्ष विष्णु खत्री ,लोक शान्ति टोल विकास संस्थाका अध्यक्ष डिलाराम कंडेल , ज्योति रमाइलो आमा समूहकी अध्यक्ष कृष्ण कलि आचार्य र सुनौलो दिदीबहिनी आमा समुहकी अध्यक्ष शुक माया थापाको आतिथ्यता रहेको थीयो ।
यस संस्थाका सचीव अमृत सापकोटाले कार्यक्रम संचालन गर्नुभएको थियो । सापकोटाले युवाहरूमा बोल्न सक्ने ,आत्मविश्वास बढाउने , दैनिक जीवनमा आईपर्ने समस्या तथा तिनको समाधानका लागी पनि वाक कला आवश्यक भएकाले यस्तो कार्यक्रम आयोजना गरेको बताउनु भयो भने संस्थाको परीचय यसै संस्थाका सदस्य भुमीराज तिवारीले दिनुभएको थीयो ।
