रोसन ओझा रोटरेक्ट क्लब अफ भरतपुर हाईटले शनिबार रोटरेक्ट क्लब अफ कावासोती र रोटरेक्ट क्लब अफ पूर्वी चितवनको सहकार्यमा शेयर बजार सम्बन्धी एक दिने आधारभूत तालिम गराएको छ ।
होटल ईमेज प्यालेसको सभाहलमा आयोजित उक्त तालिममा २५ जनाको सहभागीता रहेको थियो । तालिम कार्यक्रमको सञ्चालन क्लबका सचिव रोट किशोर रिजालले गरेका थिए । तालिम रोटरेक्ट क्लब अफ भरतपुर हाईटका सदस्य रोट ई. अनिश काफ्लेज्यूले दिनुभएको थियो । रोटरेक्ट क्लब अफ भरतपुर हाईटका अध्यक्ष रोट सन्दिप अधिकारी भन्छन् ” क्लवले विभिन्न समयमा विभिन्न प्रकारका कार्यक्रम आयोजना गर्दै आएको छ। पछिल्लो समय नेपाली शेयर बजारमा पनि आकर्षण बढ्दो छ । अझ भनौं शेयरमा लगानी गर्नेहरुको संख्या दिनप्रतिदिन बढिरहेको छ । ”
प्रशिक्षक रोट ई. अनिश काफ्ले द्वाराको सम्पूर्णलाई स्वागत गर्दै सहभागीहरुलाई शेयर बजारको महत्व, प्राइमरी मार्केट को जानकारी, शेयर बजारको र यसमा लगानी गर्दा हुने फाइदाहरुको बारेमा जानकारी समेत दिनुभयो।
तालिम नवप्रवेशीलाई लक्षित गरी तयार गरिएको हो र आगामी दिनमा यस्तै शेयर बजारको दोस्रो बजार सम्बन्धी थप कार्यशाला पनि हुँदै जाने कुरा क्लबका सचिव रोट किशोर रिजालले बताए ।
