प्रभु क्यापिटल र चितवनको भ्याली स्टेट कलेजद्वारा संयुक्त रुपमा आयोजित एकदिने आधारभूत सेयर तालिम सम्पन्न भएको छ। भरतपुरको स्मार्ट व्यान्क्वेट एन्ड रिसोर्टमा आयोजित कार्यक्रममा चितवन तथा चितवन आसपासका लगानीकर्तालाई सेयर बजारको आधारभूत जानकारी दिने उदेश्यले कार्यक्रमको आयोजना गरिएको आयोजकहरुले बताएका छन् ।
सो कार्यक्रमको संयोजक भ्याली स्टेट कलेजका प्रिन्सिपल/संचालक-बाबुराम खनाल, प्रमुख अतिथि प्रभु क्यापिटलका प्रबन्ध निर्देशक-दिनेश थकाली तथा अथितिको रुपमा प्रमुख युनियन लाइफ इन्सुरेन्सका प्रदेश उप-प्रमुख तथा युवा लगानीकर्ता आइ आर सुबेदी,
भी-ग्रुपका प्रमुख बिपिन कंडेल रहनु भएको सो कार्यक्रमको प्रमुख प्रशिक्षक प्रभु क्यापिटलका प्रमुख संचालन अधिकृत कृष्ण गिरि रहनु भएको थियो । कार्यक्रममा चितवन तथा नवलपुरका ३०० जनाभन्दा बढी सर्बसाधारण तथा लगानीकर्ताको उपस्थिति रहेको थियो।
