नारायणगढ जेसीज वर्ष २०२१ को प्रथम साधारण सभा मिति २०७७ चैत्र ९ गते सोमबारका दिन शाखा अध्यक्ष जेसी बासुदेव दवाडीको अध्यक्षतामा जेसीज सचिवालय,नारायणगढमा सम्पन्न भएको छ।
महासचिवको त्रैमासिक प्रतिवेदन समेत ‘भर्चुअल्ली’ पेश गरिएको,नारायणगढ जेसीज वर्ष २०२१को घोषित मनसुवा अनुसार कुनै पनि कागज वा फ्लेक्सको प्रयोग नगरिएको उक्त कार्यक्रममा वार्षिक बजेट सहितको कार्य योजना अनुमोदन,भित्तेपात्रो विमोचन,आन्तरिक पर्यटन प्रवर्द्धनका निम्ती भ्रमण लगायतको महत्वपुर्ण निर्णयहरु भएको थियो।
उक्त सभा साधारण सदस्यहरु, संचालक समिति सदस्यहरु सहित राष्ट्रिय उपाध्यक्ष तथा नारायणगढ जेसीजका निवर्तमान अध्यक्ष जेसी अनोज जोशी,प्रमुख अध्यक्ष सल्लाहकार तथा पुर्व अध्यक्ष सिनेटर बाबुराम रामदाम,अध्यक्ष सल्लाहकार श्री विकासमान श्रेष्ठ,पुर्व अध्यक्ष तथा सदस्यता अभिवृद्धि समितिका प्रमुख सिनेटर विष्णु लम्सालको अभिभावकिय मन्तव्य सहितको गरिमामय सहभागिता रहेको थियो।
कार्यक्रम संयोजक जेसी विपिन कँडेलले स्वागत मन्तव्य राख्नु भएको उक्त सभामा भित्तेपात्रो प्रकाशन समिति संयोजक तथा सह-कोषाध्यक्ष जेसी सन्तोष पण्डितले प्रकाशनको दौरान पुर्याउनु भएको अथक मिहिनेत सहितको योगदानको उच्च प्रशंसा गरिएको थियो र अन्तमा नवसदस्य जेसी निशान हमालले धन्यवाद मन्तव्य प्रस्तुत गर्नु भएको थियो।
