प्रमुख जिल्ला अधिकारीबाट जारी भएको आदेशमा संसोधन

चितवन।जेष्ठ २। चितवन जिल्लाका प्रमुख जिल्ला अधिकारी प्रेमलाल लामिछानेले आफुले जारी गरेको आदेशमा संसोधन गर्नुभएको छ ।

कोरोना रोकथाम र नियन्त्रणका लागि गत बैशाख ३१ गते राती १२ बजे देखि आगामी जेष्ठ १३ गते राती १२ बजे सम्म चितवन जिल्लाभर लागू हुने गरी जारी भएको आदेशको प्रकरण(ग) “संचालन हर्न पाउने सवारी साधनहरु” को क्रमसंख्या (६) मा संसोधन भएको उहाँले आज बिज्ञप्तती मार्फत जानकारी दिनुभएको छ।

उक्त संसोधित आदेशमा राजमार्ग भइ अन्य अन्य जिल्लामा जाने मालबाहक सवारी साधन, निर्माण सामाग्री का सवारी साधन र खाली फिर्ता हुने सवारी साधन चितवन जिल्लामा नरोकिन गरी संचालन गर्न पाइने भएको छ । साथै यस जिल्ला भित्र निर्माण सामान ढुवानी गर्ने सवारी साधनको हकमा बिहान ६:०० बजे देखि दिउँसो २:०० सम्म मात्रै संचालन गर्न पाइने छ ।