राष्ट्रिय एकता परिषदले सडकमा खाना खुवाउँदै आएको नेपाल युट्युव पत्रकार संघलाई सहयोग हस्तान्तरण गरेको छ । राजधानीको बालाजु स्थित गंगाहल अगाडी र घुम्ती सेवा मार्फत मईतिदेवि,कालिमाटी, लगायत सडकमा रहेका ४ सयजना मानवकालागि दैनिक निशुल्क खाना वितरण गर्दै आइरहेको छ ।
राष्ट्रिय एकता परिषदबाट उक्त कार्यको प्रसंसा गर्दै १००० पिस खाना प्यकिङ गर्ने कन्टेनर,७ थान पिपिई ५ वटा खाना बनाउने ग्यास,२५ केस मिनरल वाटर र ५०० जोर ग्लब्स लगाएत आबस्यक सामाग्री हस्तान्त्रण गरिएको हो । बनस्थली स्थित राजधानी ब्यंक्वेटमा रहेको भान्छाको अवलोकन गरे पछि परिषद्का प्रतिनिधीहरु रोशन जंग वस्नेत र लक्ष्मण पौडेलले संघलाई आवश्यक पर्ने खाद्यान्न सहयोग गर्न परिषद् तयार रहेको प्रतिवद्धता ब्यक्त गर्नु भएको थियो ।
परिषद्का प्रतिनिधीहरु रोशन जंग वस्नेत र लक्ष्मण पौडेलले परिषद्का अध्यक्ष एवं पुर्व स्वास्थ्य मन्त्री निक्ष शम्शेर राणको साथ समर्थन सहितको सन्देश युट्युव पत्रकार संघका पदाधिकारीलाई सुनाउँदै आगामी दिनमा पनि सहकार्य जारी रहने प्रतिबद्धता ब्यक्त गर्नु भएको थियो । नेपाल युट्युव पत्रकार संघले बिगत २० दिन देखि राजधानीमा भोजन वितरण गर्दै आएको छ ।