वैशाख ११ ,भरतपुर । विवेकशील साझा पार्टीले भरतपुर महानगरपालिकाको मेयर र उपमेयर छनोट गरेको छ । शनिबार बसेको जिल्ला सदस्य भेलाले निकै उर्जावान, तीक्ष्ण, अनुभवी तथा भिजन भएका युवा प्रविन काफ्लेलाई सर्वसम्मत रुपमा महानगरको उम्मेदवारको रुपमा अगाडी सारेको हो।
को हुन् प्रबिन काफ्ले?
काफ्ले चितवनका निकै स्पस्ट,इमान्दार, बैचारिक तवरले क्षमतावान तथा राजनीतिक सम्भावना बोकेका युवा हुन्। २८ बर्षीय युवा प्रबिन काफ्ले सन् २०१६ मा भारतको बैंगलोरबाट मेकानिकल इन्जिनीयरिंगमा स्नातक सम्पन्न गरि स्वदेश फर्केर नेपालकै एक प्रतिष्ठित अन्तरास्ट्रिय उद्योग कम्पनीमा काम गरेर अनुभव लिंदै केहि बर्षदेखी आफ्नै उद्यम गरिरहेका छन्। उनले बिगत ३ बर्षदेखी पार्टीको हरेक अभियानमा नेतृत्व लिंदै केहि वर्षयता चितवन जिल्ला संयोजकको भूमिका पनि निर्वाह गरिसकेका छन् । देशभित्र युवा नेतृत्वको वारम्वार वकालत गर्ने उनका अभियानहरु निकै सिर्जनशील हुने गर्दछन। उनि “तातोभात अभियान ” का योजनाकार पनि हुन् जसले भरतपुरमा २८ दिनसम्म निरन्तर कोभिड संक्रमित बिरामीका कुरुवाहरु तथा न्युन आयश्रोत भएका नागरिकलाई निशुल्क खाना खुवाएको थियो। संगसंगै, चितवनका हरेक सामाजिक,राजनीतिक घटना तथा समस्याहरुप्रति चासो र चिन्ता राख्दै गम्भिरतापूर्वक समाधानमुखी राजनीति गर्ने संकल्प बोकेका युवा राजनीतिज्ञ हुन्।
साथसाथै भेलाले महिला अधिकारकर्मी पुष्पा सापकोटालाई उपमयेरको रुपमा अगाडी सारेको छ। ३८ बर्षीय पुष्पा महिला अधिकारका लागि सशक्तीकरण, शिक्षा र स्वास्थ्यका लागि विभिन्न कार्यक्रम संचालन गर्दै आएकी छन। सापकोटा विवेकशील साझा पार्टीको स्थापनाकालदेखी जिल्लामा महिला अधिकारकर्मी तथा राजनीतिकर्मीको रुपमा परिचित छिन् । हाल उनी विवेकशील साझा पार्टीको केन्द्रिय सद्स्य छिन्।
साथसाथै भेलाले जिल्ला संयोजकका रुपमा जगदीश पन्तलाई अगाडी बढाएको छ। पन्त युवा व्यवसायी तथा अनुभवी नेता हुन्।
राजनीतिक यात्रामा सामुहिकता बिकास, जिम्मेवारी बांडफांड तथा सिंगो पार्टी एकताका निम्ति संयोजकको पदबाट राजिनामा दिई अब चुनाव केन्द्रित भएको निवर्तमान जिल्ला संयोजक प्रविन काफ्लेले बताए। जनताको घरदैलोमा केन्द्रित हुँदै आफ्नो उम्मेद्वारी उम्मेद्वारी मात्र नभई खबरदारी पनि भएको काफ्लेले बताए।
