दूध दिवसमा भरतपुर अस्पतालका बिरामीलाई दूध वितरण

चितवन । भेटेरिनरी अस्पताल तथा पशु सेवा विकास केन्द्र चितवनले विश्व दूध दिवसको अवसरमा भरतपुर अस्पतालका बिरामीलाई दूध वितरण गरेको छ ।चितवन जिल्ला दुग्ध उत्पादक सहकारी संघ लिमिटेडसँगको सहकार्यमा बुधबार विश्व दूध दिवस मनाएको हो। भरतपुर अस्पतालमा उपचाररत बिरामी र बहिरंग सेवा लिन आएका सेवाग्राहीलाई दूध खुवाएर दिवस मनाइएको हो ।

भरतपुर अस्पतालमा मात्रै १५० लिटर दूध, मानव सेवा आश्रममा ४० लिटर र योगी नरहरिनाथ प्राकृतिक चिकित्सालय वागेश्वरीमा ४० लिटर दूध वितरण गरिएको बताए । त्यसबाहरेक वागेश्वरीमा रहेको गौ संरक्षण केन्द्रमा समेत एक ट्याक्टर घाँस उपलब्ध गराइएको छ ।