साना तथा मझौला उद्यमीहरूको लागि एकदिने निशुल्क डिजिटल मार्केटिंग तालिम हुँदै

भरतपुरमा कार्यालय रही देशभर नै डिजिटल मार्केटिंग सेवाहरु प्रदान गर्ने कम्पनि एस डि टेक कम्पनिले साना तथा मझौला उद्यमीहरूको लागि एकदिने निशुल्क डिजिटल मार्केटिंग सम्बन्धि वर्कशप संचालन गर्ने भएको छ।

साना तथा मझौला उद्यमीहरूलाई डिजिटल मार्केटिंगको महत्त्व बुझाउन तथा प्रयोग गर्न सिकाउने उद्देश्यले वर्कशप आयोजना गरिएको एस डि टेक कम्पनिका प्रमुख कार्यकारी निर्देशक सौगात देवकोटाले बताउनु भयो। उक्त वर्कशपमा सहभागीलाई आफ्नो व्यवसायका लागि सामाजिक संजालको प्रयोग, गूगल बिजनेस प्रोफाइल, बेसिक ग्राफिक डिजाइनिङ्ग, आदि लगायत डिजिटल मार्केटिंगको प्रयोग बारेमा तालिम दिईने छ।

एस डि टेक कम्पनिको सहायक कम्पनि अवसर एकेडेमीले आयोजना गर्ने उक्त वर्कशपमा एस डि टेक कम्पनि, नारायणी वेब टेक्नोलोजी र भी ग्रुप कम्पनीका प्रतिनिधिहरुले तालिम प्रदान गर्ने छन्। जेष्ठ २५ गते बुधबार हुने उक्त वर्कशपमा सहभागी हुन यस फारममा आफ्नो विवरण राखी पठाउन पर्ने छ।

अनलाईन फर्म यहाँ बाट भर्नुहोस्