चितवनमा ट्रकले स्कुटरलाई ठक्कर दिदा एकजनाको मृत्यु ,एक गम्भिर घाइते

चितवन , ७ जेठ । चितवको टिकौली जंगलमा ट्रकको ठक्करबाट एकजनाको मृत्यु भएको छ । भरतपुर महानगरपालिका वडा नम्बर १२ मा टाँडीबाट भरतपुरतर्फ जादै गरेको बागमती प्रदेश ०३ ००२ प ७६८८ नम्बरको स्कुटरलाई सोहि दिशाबाट जादैं गरेको ना ४ ख ६६७४ नम्बरको ट्रकले ठक्कर दिएको हो ।

सिलिण्डर ग्याँस लोड रहेको ट्रकले ठक्कर दिदाँ स्कुटर चालक भरतपुर ११ बस्न्ने २० वर्षिय सागर तमाङको मृत्यु भएको जिल्ला प्रहरी कार्यालय चितवनका प्रवक्ता प्रहरी नायव उपरिक्षक विजयराज पण्डितले जानकारी दिए । स्कुटरमा सवार भरतपुर ११ निवासी २० वर्षिय विशान्त ढकाल गम्भिर घाइते भएका छन् । उनको चितवन मेडिकल कलेजमा उपचार भइरहेको प्रहरीले जनाएको छ ।