काठमाडौं । अभिनेत्री तथा नेतृ रेखा थापाले पुत्रीलाभ गरेको चार महिना पुग्यो । अमेरिकाको कोलोराडोमा उनले छोरी वैभवीलाई जन्म दिएकी थिइन् । यतिबेला उनी काठमाडौंस्थित घरमा छोरीको स्याहारसुसारमा व्यस्त छिन् ।
प्रायः सेलिब्रेटी बच्चा जन्माउने बित्तिकै उनीहरुलाई सामाजिक सञ्जाल र मिडियामा एक्सपोज गर्न रुचाउँछन् । तर रेखाको धारणा यसको ठीक विपरीत छ । उनी यसलाई गलत बताउँछिन् ।
