ई. सुजन रेग्मी द्वारा रचना गरिएको ‘गोरखा सिरानचोक केराबारीमा’ बोलको गीत सार्वजनिक (भिडियो सहित)

गोरखा केराबारी काठमाडौं सम्पर्क समाजको प्रस्तुतिमा निर्माण भएको “गोरखा सिरानचोक केराबारीमा ” बोलको गीत आज सार्वजनिक भएकोछ । समाजको अध्यक्ष कृष्ण प्रसाद ढकालले आफुहरूले गीत निर्माण गर्न निकै मेहनत गरेको कुरा व्यक्त गरेका छन् । मदर्श व्याङ्केट,खरिबोट काठमाडौंमा दिउँसो गीत सार्वजनिक भएको हो। गितमा शब्द ई.सुजन रेग्मीको छ भने लय/ संगीत बि.बि.अनुरागीको रहेको छ । गीतमा पुरूषतर्फ स्वर चिज गुरूङले प्रदान गर्नुभएको छ भने महिला तर्फ शान्ति श्री परियारले प्रदान गर्नु भएको छ ।

खुल्ला सुचना मार्फत आव्हान गरिएको गीतमा लेखक सुजन रेग्मीको मात्रै गीत प्राप्त भएको थियो । समाजले आर्थिक सहयोग उठाई केराबारीमा नै भिडियो छायांकन गर्ने निर्णय गरेको थियो ।

गितको म्युजिक भिडियो ” दिप फिल्म्स प्रोडक्सन” ले तयार गरेको थियोे । भिडियोमा सुधिर श्रेष्ठ ,स्मारिका ढकाल ,लक्ष्मी गुरूङ लगाएतका कलाकारले अभिनय गरेका छन् । उक्त गीत दिप गुरूङले निर्देशन गरेका हुन् ।

नेपाली र गुरूङ भाषाको मिठो समीश्रणमा बनेको यो गीतको संगीत पनि दमदार रहेको छ । आशा छ यो गीतले नेपाली संगीत क्षेत्रमा नयाँ आयाम थप्नेछ ।