करिब डेढ महिना अगाडी मात्र सार्बजनिक गरिएको लोक दोहोरी गित गोरखा सिरानचोक केराबारीमा अहिले निकै चर्चित रहेको छ , उक्त गित टिकटक भर भाइरल भएको छ , सो गित को फेसबुक रिल मा १ करोड भन्दा बढी र युट्युब मा आठ लाख १० हजार भन्दा बढी भिउज प्राप्त भएको छ । सिरानचोक गाउँपलिकाको केराबारीका ई. सुजन रेग्मीद्वारा रचना गरिएको सो गित गोरखा केराबारी काठमाडौं सम्पर्क समाजको प्रस्तुतिमा निर्माण भएको हो । गत जेठ ३० गते मदर्श व्याङ्केट, खरिबोट काठमाडौंमा दिउँसो १:४५ बजे उक्त गीत सार्वजनिक गरिएको थियो ।
गीतमा ई.रेग्मीको शब्द, चिज गुरूङ र शान्ति श्री परियारको स्वर, बि.बि.अनुरागीको लय/संगीत रहेको छ । गीतको म्युजिक भिडियो ‘दिप फिल्म्स प्रोडक्सन’ ले तयार गरेको हो । भिडियोमा सुधिर श्रेष्ठ, स्मारिका ढकाल, लक्ष्मी गुरूङ लगाएतका कलाकारको बेजोड अभिनय रहेको छ । उक्त गीत दिप गुरूङले निर्देशन गरेका हुन् ।
उक्त गीतका लेखक एवं सर्जक इ. सुजन रेग्मीले करिब एक महिना लगाएर , सय जना भन्दा बढी व्यक्तित्वहरुको सरसल्लाह लिई गीतको कन्सेप्ट तथा शब्द परिकल्पना गरेका थिए । समाजको अध्यक्ष कृष्ण प्रसाद ढकालले आफुहरूले गीत निर्माण गर्न निकै मेहनत गरेको कुरा व्यक्त गरेका छन् ।समाजका उपाध्यक्ष बालाराम गुरुङ ले आफुहरुले गुरुङ भेषभूसा र संस्कृति जगेर्ना गर्दा नयाँ पिढीमा राम्रो संदेश गएको कुरा बताएका छन् ।समाजका कोषाध्यक्ष इ संदेश गुरुङ तथा सहसचिव भरत ढकाल ले आफुहरुले गरेको काम बाट निकै सन्तुस्टी मिलेको बताएका छन् । नेपाली र गुरूङ भाषाको मिठो समीश्रणमा बनेको यो गीतको ,लय सब्द र संगीत निकै दमदार रहेको छ ।
